« Te fa’anahora’a fa’ahiahia a te Metua i te ao ra », Hoa, Novema 2023, 2–3.
E a’ora’a nā te peropheta i te ’āmuira’a
Te fa’anahora’a fa’ahiahia a te Metua i te ao ra
Fa’atanohia nō roto mai « ’A feruri tiretiera ! » Liahona, Novema 2015, 22–23.
E mea fa’ahiahia mau te fa’anahora’a a te Metua i te ao ra nō tātou. Te mea tā tātou e rave i roto i teie orara’a, e faufa’a rahi tō te reira. Nā te tāra’ehara a te Fa’aora e fa’atupu i te fa’anahora’a a te Metua.
’Ua mamae te Fa’aora ’ia ti’a ho’i iāna ’ia tāmāhanahana ia tātou, ’ia fa’aora ia tātou ’e ’ia ora mai tātou i te mau taime fifi. Maoti te tāra’ehara hope ’ore a Iesu Mesia, e fa’anahora’a pāpū maita’i tā tō tātou Metua i te ao ra ! E fa’ati’a te reira ia tātou tāta’itahi ’ia mā’iti nāhea tātou i te ora.
Tē ani nei au ia ’outou ’ia ha’amata i te « feruri tiretiera ! » ’Ia fifi-ana’e-hia ’outou, ’a feruri tiretiera ! ’Ia tāmata-ana’e-hia ’outou e te fa’ahemara’a, ’a feruri tiretiera ! ’Ia fa’aru’e-ana’e-hia ’outou e te ora ’aore rā e te feiā tei herehia, ’a feruri tiretiera !
’A feruri tiretiera ai ’outou, e hina’aro ’outou e pure pinepine atu ā ’e ma te ’ā’au tae mau. E hi’o ’outou i te mau tāmatara’a ma te māramarama ’āpī ’Ia feruri tiretiera ai ’outou, e rahi atu ā tō ’outou fa’aro’o.
Tē ora nei te Atua. ’O Iesu te Mesia. ’Ua fa’aho’ihia mai tāna ’Ēkālesia nō te ha’amaita’i i te mau tamari’i ato’a a te Atua.
’A feruri tiretiera !
’Ua ha’api’i te peresideni Nelson ē, e tauturu te ferurira’a tiretiera ia tātou ’ia rave i te mau mā’itira’a maita’i. I roto i te mahana tāta’itahi, ’a pāpa’i hōho’a ’aore rā ’a pāpa’i i te mea tā ’oe e nehenehe e rave nō te pe’e i te hi’ora’a o te Fa’aora.
Haere mai ia Iesu, nā Michael Malm