“Ko e Muimui ʻia Sīsū ʻi Nuʻu Silá,” Ko e Kaumeʻá, Tīsema 2023, 16–17.
Ko e Muimui ʻia Sīsū ʻi Nuʻu Silá
Feʻiloaki mo Tanai mo Nīfai!
Fekauʻaki mo Tanai mo Nīfai
Taʻú: 12 mo e 9
Mei: Hōkesi Pei, Nuʻu Sila
Lea fakafonuá: Faka-Pilitānia, Faka-Mauli
Ngaahi taumuʻá mo e fakaʻānauá: ʻAlu ʻo ngāue fakafaifekau, ʻalu ki Tōkiō, mo hoko ko ha pailate fakakautau (Tanai). ʻAlu ʻo ngāue fakafaifekau, ʻalu ki Niu ʻIoke, mo puna sipilingi (Nīfai).
Fāmilí: Tanai, Nīfai, Mami, Teti, fānau tangata ʻe toko nima, mo e tuofefine ʻe taha
Founga ʻo ʻEnau Muimui ʻia Sīsuú
“ʻOku teuteu ʻa Tanai ke ʻalu ki he temipalé ke fakahoko ha papitaiso. Naʻe maʻu ʻe heʻene nená (kui fefiné) ha fakamatala fekauʻaki mo ha ngaahi kui ʻe niʻihi, ko ia ʻe lava ke papitaiso ia maʻanautolu. ʻOku pehē ʻe Tanai, “ʻOku ou fiefia moʻoni ke hū ki he temipalé.” “ʻOku ou ongoʻi lāngilangiʻia ke tokoni ʻi hono fai e ngāue maʻa ʻeku ngaahi kuí.”
Ko e taimi naʻe papitaiso ai hona kāsiní, naʻe fakahoko ai ʻe Nīfai ʻene fakamoʻoní. Naʻe fakamatala ʻe Nīfai kiate kinautolu ʻi he papitaisó fekauʻaki mo Sīsū Kalaisi. ʻOku pehē ʻe Nīfai, “ʻOku ou ʻilo ʻoku mahuʻinga ke vahevahe ʻeku fakamoʻoní ke fakamālohia ai ʻa e niʻihi kehé.”
Ngaahi Meʻa ʻOku Nau Saiʻia Taha Aí
Ko e talanoa fakafolofola ʻoku manako taha ai ʻa Nīfaí ko hono fafanga ʻe Sīsū ʻa e toko nima afé. Ko Tinaí, ʻoku fekauʻaki ia mo e papitaiso ʻo Sīsuú.
Ko e feituʻu ʻokú na saiʻia taha aí ko e Paʻake Fakafonua Tongaliló, ʻa ē naʻá na fuofua sio ai ʻi he sinoú.
Ko e fuaʻiʻakau ʻoku manako taha ai ʻa Nīfaí ko e fainaá. Ko Tinaí ia, ko e molí.
Ko e lanu ʻoku saiʻia taha ai ʻa Tinaí ko e lanu fisiʻifekiká. Ko e lanu ʻoku manako taha ai ʻa Nīfaí ia ko e lanu kulokulá.
Ko e lēsoni ʻoku saiʻia taha ai ʻa Nīfai ʻi he akó ko e laukongá pea ko Tinaí ʻa e tā-fakatātaá.
Tā fakatātaaʻi ʻe Carolyn Vibbert