“Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí,” Ko e Kaumeʻá, Tīsema 2023, 49.
Fuakava Foʻoú
Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí
Ki he Fakahā 1–5
Kole ki ha taha ke hū ki tuʻa ʻo tukituki ʻi homou matapā ʻi muʻá. Tokoniʻi hoʻo fānau īkí ke nau fakaava ʻa e matapaá, fakafeʻiloaki ki he tokotaha naʻe tukitukí, pea fakaafeʻi fiefia mai ia ki loto. Fakamatala ki he founga te tau lava ai ʻo talitali fiefia ʻa Sīsū Kalaisi ki heʻetau moʻuí ʻi he taimi ʻoku tau fakakaukau ai kiate Iá.
Ki he Fakahā 6–14
Huke ki he peesi 22 ke vakai ki ha fānau kehe mei he funga ʻo e māmaní. Fakamatalaʻi ange ʻoku ʻofa ʻa Sīsū Kalaisi ʻi he fānau kotoa pē mo finangalo ke nau muimui ʻiate Ia. ʻOkú Ne fekauʻi atu ʻa e kau faifekaú ki he funga ʻo e māmaní kotoa ke akoʻi fekauʻaki mo Ia.
Ki he Kilisimasí
Fakamatala ki he founga naʻe foaki ai ʻe he Kau Tangata Potó ʻa e ngaahi meʻaʻofá kia Sīsū Kalaisí. Kole ki hoʻo fānau īkí ke nau kumi ha faʻahinga meʻa ʻoku mahuʻinga kiate kinautolu. Tokoniʻi leva ke nau fakatātaaʻi ʻa e konga ʻa e Kau Tangata Potó ʻi he talanoa ʻo e ʻAloʻí (vakai, Mātiu 2:9–11). ʻAi ke nau fakakaukau ʻoku nau foaki kia Sīsū Kalaisi ʻenau ngaahi meʻaʻofá.
Ki he Fakahā 15–22
Akoʻi hoʻo fānau īkí ki he founga te tau lava ai ʻo fakahīkihikiʻi ʻa e Tamai Hēvaní mo Sīsū ʻaki ʻetau hiva fekauʻaki mo Kinauá. Taufetongi ʻi hono fili ha hiva Palaimeli ke hivaʻi pe fanongo fakataha ki ai.