“Mālō e lelei mei Nuʻu Sila!” Ko e Kaumeʻá, Tīsema 2023, 18–19.
Mālō e lelei mei Nuʻu Sila!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
Ko Nuʻu Silá ko ha motu ʻi he Tahi Pasifikí. ʻOku meimei ko ha kakai ʻe toko 5 miliona ʻoku nofo ʻi aí.
Ngaahi temipalé
ʻOku ʻi ai ha temipale ʻe taha ʻi Nuʻu Sila, pea mo ha ua kehe ʻoku kei langa! Ko e Temipale Hamilitoni Nuʻu Silá ko e fuofua temipale ia ne langa ʻi he vaeuaʻanga mālie ʻo e tafaʻaki fakatonga ʻo e māmaní.
Fuʻu ʻAkau Kilisimasi ʻo Nuʻu Silá
Ko e fuʻu ʻakau pohutukauá ʻoku matala lanu kulokula pea ʻoku toki matala pē ʻi he faʻahitaʻu māfaná ʻi he Kilisimasí. ʻOku fakaʻaongaʻi ʻe he kakaí ʻa e matalá ke teuteuʻi ʻaki ʻa e Kilisimasí.
Ngaahi Lea Fakafonuá
Ko e ngaahi lea fakafonua totonu ʻo Nuʻu Silá ko e lea faka-Pilitāniá, faka- Maulí, mo e talanoa fakaʻilonga nima ʻo Nuʻu Silá. Ko e lea faka-Maulí ko e lea ia ʻa e fuofua kakai naʻe omi ki Nuʻu Silá.
Hāngī
ʻOku taʻo ʻe he kakai Maulí ʻenau meʻakaí ʻi he taimi ʻe niʻihi ʻi ha hāngī. ʻOku tuku ʻenau ngaahi kato kakanoʻi manú mo e vesitapoló ʻi ha funga maka kuo ʻosi vela ʻi ha luo he kelekelé. Hili ia pea nau ʻufiʻufiʻi ʻo tuku ai ke moho.
Fanga Penikuini
Ko e penikuini iiki taha ʻi māmaní, ʻa e penikuini iiki lanu puluú, ʻoku nau nofo ʻi Nuʻu Sila mo ʻAositelēlia ʻOku lahi mo ha faʻahinga penikuini kehe ʻoku nau nofo mo kinautolu ʻi he matāfonua ʻo Nuʻu Silá!
Ngaahi tā fakatātā ʻa Natalie Briscoe