“Ngaahi Teunga ʻo e ʻAloʻí,” Ko e Kaumeʻá, Tīsema 2023, 38–39.
Ngaahi Meʻa Fakafiefiá
Ngaahi Teunga ʻo e ʻAloʻí
Te mou lava ʻo fakahoko ha tulama ke fakamatalaʻi ʻaki e talanoa ʻo e ʻaloʻi ʻo Sīsuú. Ko ha ngaahi teunga ʻeni te mou lava ʻo ngaohi. Fakaʻaongaʻi ʻa e fakamatala ʻi he peesi 26 ki hoʻomou tulamá.
Fakapuli (mask) ki he Fanga Sipí
Faʻu ha fanga sipi ke nau ō mo hoʻomou kau tauhisipí!
-
Kosiʻi ha siakale ʻoku lahi tatau mo ho matá ʻi ha peleti pepa. (Kiʻi Tokoni: Kiʻi peluki ʻa e peletí ke kamata hono kosí ʻi lotomālie.)
-
Kosiʻi vaeua ʻa e konga fuopotopotó. Fakapipiki ʻa e ongo konga ʻo e peletí ke hoko ko e ongo telinga.
-
Kuluuʻi takai ha fanga kiʻi konga vavae fuopotopoto ʻi he peleti pepá. (Te ke lava foki ʻo fakaʻaongaʻi ha popi koane pe masimalou (marshmallows!)
-
Fili pē: Fakapipiki ha vaʻakau ngāue fakameaʻa ki he konga ki lalo ʻo e peletí ke fakaʻaongaʻi ko ha kau ke puke ai.
Kalauni ʻo e Tangata Potó
Ngaohi ha ngaahi kalauni maʻá e Kau Tangata Potó.
-
Vali pe valivali ʻa e tafaʻaki ki muʻá mo e tuʻa ʻo ha peleti pepa. Tuku ke mōmoa ʻa e valí. Pea pelu ua leva ʻa e peletí.
-
Fakaʻaongaʻi ʻa e helekosí ke kosikosi e lotomālie ʻo e peletí ki ha konga ʻe fā. (ʻOua ʻe kosi ke aʻu ki he tapá!)
-
Folahi ʻa e peleti pepá. Tekeʻi hake ʻa lotomālie ke hangē ha kalauní. Pea teuteuʻi leva ʻo fakatatau mo hoʻo fiemaʻú!
Fetuʻu Haʻi ki he ʻUlú (Headband)
Tui ʻeni ʻi ho ʻulú ke ke hoko ko e fetuʻu naʻá ne taki ʻa e Kau Tangata Potó kia Sīsuú.
-
Kosi ʻo toʻo ʻa e lotomālie ʻo ha peleti pepa koeʻuhí ke ke maʻu pē ʻa e tapá.
-
Tā ha foʻi fetuʻu ʻi ha konga pepa fefeka.
-
Kosi ʻo toʻo ʻa e foʻi fetuʻú pea fakapipiki ʻi he tapa ʻo e peletí ʻo fokotuʻu ke hangatonu ki ʻolunga.
Ongo Telinga ʻo e ʻAsí
Ngaohi ʻa e telinga ko ʻení ki he ʻasi naʻe heka ai ʻa Mele ki Pētelihemá.
-
Kosiʻi lōloa ha laʻipepa. Tepiʻi fakataha ʻa e ongo muiʻi laʻipepá ke fuopotopoto lahi feʻunga ki ho ʻulú.
-
Kosiʻi ʻo toʻo ha ongo telinga ki he ʻasí mei ha laʻipepa.
-
Vali pe valivali lanu tukumisi pe melomelo kae lanu pingikī fuopotopoto ʻa lotomālie.
-
Fakapipiki ʻa e telingá ʻi loto ʻi he foʻi fuopotopoto pepá.
Ngaahi tā fakatātā ʻa Melissa Manwill Kashiwagi