Ngaahi ʻEkitivitī ʻo e “Haʻu, ʻo Muimui ʻIate Aú ,” Ko e Kaumeʻá, Tīsema 2023, 6–7.
Ngaahi ʻEkitivitī ʻo e Haʻu, ʻo Muimui ʻIate Aú
Ki he efiafi ʻi ʻapí pe ako folofolá—pe ke maʻu ai ha fiefia!
Ko ha Meʻa-hā-mai ʻo e Langí
ʻŪ tā fakatātā ʻa Katy Dockrill
Ki he Fakahā 1–5
Talanoá: Naʻe maʻu ʻe he ʻAposetolo ko Sioné ha meʻa-hā-mai ʻo e langí. Naʻá ne mamata ki he taloni ʻo e ʻOtuá ʻoku lanu kehekehe. Naʻe toe mamata foki ʻa Sione ki ha kakai ʻoku nau hū ki he Tamai Hēvaní mo fakahīkihikiʻi Ia ʻi hono fakatupu ʻo e meʻa kotoa peé. (Vakai, Fakahā 4:2–3, 10–11.)
Hivá: “ʻOku Ou Fakamālō Atu ʻe Tamai” (Tohi Hiva ʻa e Fānaú, 9).
ʻEkitivitií: Tā ha fakatātā ʻo e mata meʻa-hā-mai ʻa Sioné. Fakaʻaongaʻi ha ngaahi lanu kehekehe ki he lahi taha te ke lavá! Hili ia pea ke fakamatala ki ha ngaahi founga te ke lava ʻo fakahaaʻi ai ki he Tamai Hēvaní hoʻo houngaʻia ʻi Heʻene ngaahi tāpuakí.
Haohaoa mo Maʻa
Ki he Fakahā 6–14
Talanoá: Naʻe mamata ʻa Sione ʻi ha meʻa-hā-mai ki ha kakai tokolahi ʻoku nau fakahīkihikiʻi ʻa Sīsū Kalaisi (vakai, Fakahā 7:9–10, 13–15). Naʻa nau tui ha pulupulu hinehina ke fakahaaʻi naʻa nau maʻa mo haohaoa.
Hivá: “ʻOku Moʻui Hoku Huhuʻí” (Ngaahi Himi, fika 68)
ʻEkitivitií: Kumi ha ngaahi meʻa lanu hinehina, hangē ko ha foʻi maka hinehina, konga tupenu hinehina, pe ko ha suka pe māsima. Fakamatala ki hono ʻuhinga ʻo e haohaoá mo e maʻá. ʻOku tokoniʻi fēfē kitautolu ʻe Sīsū Kalaisi ke tau hoko ʻo maʻá?
Ko Sīsū Kalaisi ʻa Hotau Tauhisipí.
Ki he Kilisimasí
Talanoá: Ko e taimi naʻe ʻaloʻi ai ʻa Sīsū Kalaisí, naʻe omi ʻa e kau tauhisipí ke hū kiate Ia. Naʻe akoʻi ʻe he ʻAposetolo ko Pitá ko Sīsū ʻa hotau Tauhisipí (vakai, 1 Pita 2:25). Ko ʻEne fanga sipí kitautolu, pea te tau lava ʻo fili ke muimui kiate Ia.
Hivá: “Hiva ʻa e Kau ʻĀngeló” (Ngaahi Himi, fika 122)
ʻEkitivitií: Vakai ki he peesi 38 ke ngaohi ha teunga sipi. Ko e hā ha meʻa te ke lava ʻo fakaʻaongaʻi ke ke teuteu hangē ha tauhisipí? Te mou lava ʻo fakatātaaʻi ʻa e ʻAloʻí ʻi he peesi 26 mo homou ngaahi teungá.
Ngaahi Huafa ʻo Sīsū Kalaisí
Ki he Fakahā 15–22
Talanoá: ʻoku pehē ʻe he Fakahā 22:4 ko e kau muimui ʻo Sīsū Kalaisí “ʻe [ʻi] honau laʻé ʻa hono huafá.” Ko hono ʻuhingá, te tau fili ke manatuʻi mo muimui kiate Ia.
Hivá: “ʻO Ka Ne Ka Toe Haʻu” (Tohi Hiva ʻa e Fānaú, fika 46).
ʻEkitivitií: Fakahoko ʻa e ʻekitivitī ʻi he peesi 8 ke ʻilo ʻa e ngaahi huafa ʻo Sīsū Kalaisí. Fakamatala ki ha taimi naʻá ke muimui ai ki Heʻene sīpingá.