“Ko e ʻAʻahi ʻa e Kau Tauhisipí ki he Pēpē ko Sīsuú,” Ko e Kaumeʻá, Tīsema 2023, 46–47.
Ngaahi Talanoa mei he Folofolá
Ko e ʻAʻahi ʻa e Kau Tauhisipí ki he Pēpē ko Sīsuú
‘Ū tā fakatātā ʻa Apryl Stott
ʻI ha pō ʻe taha, naʻe ʻaʻahi ai ha ʻāngelo ki ha kau tauhisipi ʻi he toafá. Naʻe fakahā ange ʻe he ʻāngeló kuo ʻaloʻi ha pēpē mahuʻinga. Ko hono huafá ko Sīsū Kalaisi. ʻE hoko ia ko e Fakamoʻui ʻo e kakai kotoa ʻi he māmaní. Naʻe toe tokolahi ange ʻa e kau ʻāngelo naʻe omí. Naʻa nau hiva, “Fakafetaʻi ki he ʻOtua ʻi ʻolungá, pea ʻi māmani ʻa e melinó, ko e ʻofa ki he kakaí.”
Naʻe fakavavevave ʻa e kau tauhisipí ke ʻaʻahi ki he pēpē ko Sīsuú. Na‘a nau fuʻu fiefia ke mamata kiate Ia!
Naʻe fakahā ʻe he kau tauhisipí ki ha niʻihi kehe fekauʻaki mo Sīsū Kalaisi. Naʻa nau fiemaʻu ʻa e taha kotoa ke fanongo ki he ongoongo fakafiefiá.