’Ia ora na nā Tairane atu !

Ha’api’i mai nō ni’a i te mau tamari’i a te Metua i te ao ra ’ati a’e te ao nei.

Tairane ’o te hō’ē ïa fenua nō Apato’a Hiti’a o te rā nō ’Ātia. Fātata e 72 mirioni ta’ata e ora ra i reira.

Reo

Thai ’o te reo mana te reira o te fenua. E 72 reta piāpā tō te thai.

I roto i te reo Thai, e nehenehe ’oe e fāri’i poupou i te hō’ē hoa ma te parau ē, « kin khao reu yang ».

Te aura’a, « ’Ua tāma’a ānei ’oe ? »

Te heivanui nō Songkran

Tē fa’ahanahana nei te mau ta’ata nō Tairane i tā rātou matahiti ’āpī, ma te arora’a pape rahi roa a’e o te ao nei. E ha’apahī rātou i te pape i ni’a i te tahi ’e te tahi nō te ha’amana’o e tāmā i te mau mea ’ino. E tupu te reira e toru mahana te maoro°!

Te ana nō te taita

Te hiero ana nō te taita ’o te hiero Boudā ïa, i reira te rahira’a ta’ata e ha’amori ai ’e e pure ai. Nō te haere i reira, tītauhia ia ’oe ’ia ta’uma i ni’a i te hō’ē mou’a e 1260 ta’ahira’a ’āvae. Tē vai ra te ta’ahira’a ’āvae taita i roto i te ana !

Te makete i ni’a i te pape

I Tairane, e nehenehe te ta’ata e ho’oho’o mai i te tauiha’a nā ni’a i te mau poti ’anavai, mai te mau fare toa na’ina’i i ni’a i te pape. E rāve’a te mau ’ānāvai nō te rātere haere ’ati a’e te ’oire pū. E rave rahi fare tei ni’a i te mau pou, nō te tāpe’a ia rātou i ni’a a’e i te pape.

’Ohipa fa’a’ana’anatae

Te ’ōphi e ’amu i te ’aero

’A mā’iti i te hō’ē ta’ata ’ei ’ōphi 1 ’e te tahi atu ’ei ’ōphi 2. E haere te tahi atu mau ta’ata i muri mai i te ’ōphi 1 ’e e tāpe’a atu i ni’a i te ta’ata i mua ia rātou. E tāmata te ’ōphi 2 i te ’ape i te ’ōphi 1 nō te haere e tātara mai i te ta’ata hope’a i roto i te rēni. Te ta’ata i tātarahia e haere ïa ’oia i rāpae !

Tāpura hāmanira’a mā’a

Som Tam

Te mā’a ota ’ī’ītā ota e hāmanira’a mā’a mātorohia i te fenua Tairane. Teie te hō’ē hāmanira’a ’o tā ’oe e nehenehe e tāmata !

1. I roto i te hō’ē ’āu’a rahi, e ’āno’i 1 1/2 tāipu rahi tihota tamara (’aore rā tihota ’ute’ute), 1 1/2 tāipu rahi nō te miti i’a (’aore rā soyu), ’e e 2 tāipu rahi pape tāporo matie. Fa’arapu ’ia tahe roa te tihota.

2. Tāpū fa’arairai e 2 tumi ’e 1 ’ōporo ’ute’ute ’aore rā hau atu. Tāpū fa’ahu’ahu’a e 3 pipi potopoto. Tāpūpū i te 1 tōmati, fāito tano noa.

3. Tipitipi 1 ’ī’ītā pu’u (’aore rā e 3 ’āpara matie). E oro ’aore rā e tāpū fa’arairai te reira.

4. ’A tu’u i te mau mea ato’a i roto i te ’āu’a ’e ’a fa’arapu.

Māuruuru i te ’utuāfare Panya i te fa’a’itera’a mai i teie tāpura hāmanira’a mā’a !

Fa’ahōho’ara’a nā Mackinzie Rekers