Tō’u iho ’itera’a pāpū

Nā Chloe C., 9 matahiti, Tuha’a fenua ’apato’a, Malawi

’O Chloe tō’u i’oa, ’e e iva matahiti tō’u. Tā’u mau fa’a’ana’anataera’a ’o te tā’irira’a pōpō ïa, te hīmene ’e te fa’ahoara’a.

Mea au nā’u e vai i te fare purera’a, ’e e mea au nā’u e tauturu i roto i tā’u piha Paraimere. E fa’atupu te reira i te au maita’i i roto iā’u. E mea au ato’a nā’u e tāvini ia vetahi ’ē. ’Ua here roa vau i tō’u ’utuāfare. ’Ua tauturu vau i te ha’api’i i tō’u teina ia Anna i te ta’ahi i te pere’o’o ta’ata’ahi. I te tahi taime, e tauturu vau i tō’u māmā ’ia horoi i te mau ’āu’a.

Mea au ato’a nā’u e tai’o i te Buka a Moromona ’e tō’u ’utuāfare. I te hō’ē mahana, ’a tai’o ai au i te ’ā’amu o Amona, ’ua fāri’i au i te Vārua Maita’i i roto i tō’u ’ā’au. I taua pō ra, ’ua parau vau i tō’u ’utuāfare, « i teienei, ’ua ’ite au nō te aha te ta’ata e parau ai ē, e parau mau te Buka a Moromona ». ’Ua fāri’i au i roto i tō’u ’ā’au ē, te mau ’ā’amu tā tātou e tai’o nei i roto i te Buka a Moromona, ’ua tupu mau ïa.

’Ua ’ite au e mea mau te ’Ēkālēsia. ’Ua ’ite au e parau mau te mau ’ā’amu i roto i te Buka a Moromona. ’Ua ’ite au ’ua pi’ihia te mau peropheta e te Atua. ’Ua ’ite au e nehenehe te mau misiōnare e tauturu ia tātou ’ia pe’e ia Iesu. Nā roto i te i’oa ’o Iesu Mesia, ’āmene.