« Te tumu rā’au nō te ora », Hoa, Tēnuare 2024, 26–27.
’Ā’amu nō te pāpa’ira’a mo’a
Te tumu rā’au nō te ora
Fa’ahōho’ara’a nā Andrew Bosley
E peropheta ’o Lehi. ’Ua parau te Atua iāna ’ia ’āfa’i i tōna ’utuāfare i te fenua i parauhia ra. ’A rātere ai rātou, ’ua moemoeāhia ’oia nō ni’a i te hō’ē tumu rā’au nehenehe. ’Ua pi’ihia te reira te tumu rā’au nō te ora.
’Ua hōro’a mai te tumu rā’au i te mā’a ’uo’uo au maita’i. ’Ua ’oa’oa roa Lehi i tōna ’amura’a i te reira ! ’Ua hina’aro ’oia ’ia tāmata ato’a tōna ’utuāfare i te reira.
’Ua ’ite ato’a Lehi i te hō’ē ’āuri e toro atu ra i te tumu rā’au ra. ’Ua tāpe’a te mau ta’ata i ni’a i te ’āuri nō te haere i te tumu rā’au ra ’e ’a ’amu ai i te hotu.
Te tumu rā’au i roto i te moemoeā a Lehi e au ïa mai te here o te Atua. Te ’āuri e au ïa mai te mau pāpa’ira’a mo’a. ’Ia tai’o tātou i te mau pāpa’ira’a mo’a, e ha’afātata atu tātou i te Metua i te ao ra ’e ia Iesu Mesia.