’Ohipa ’ārearea

Fa’aro’o i te Vārua Maita’i

’A rave i teie ’ohipa fa’a’ana’anataera’a ’e tō ’oe ’utuāfare nō te ha’api’i mai nō ni’a i te Vārua Maita’i.

1. 

   Fa’ahōho’ara’a nā Zhen Liu

   Mā’iti i te hō’ē ta’ata ’ei « ta’ata ’imi ». E haere taua ta’ata ra i rāpae i te piha, ’a huna ai te tahi atu mau ta’ata i te hō’ē tao’a mai te hō’ē ’ōfa’i ’aore rā hō’ē tao’a ha’uti.

2. 

   E ho’i mai te ta’ata ’imi.

3. 

   E muhumuhu te hō’ē ta’ata nō te tauturu i te ta’ata ’imi ’ia ’ite tei hea te tao’a i hunahia. E paraparau noa te tahi pae ma te reo mātarohia ’aore rā ma te reo pūai nō te fa’anevaneva ia rāua.

4. 

   ’Ia ’ite-ana’e-hia i te ta’ata ’imi te tao’a, ’a mā’iti i te hō’ē ta’ata ’āpī ’ia riro ’ei ta’ata ’imi.

’A parau e mea nāhea te Vārua Maita’i ’ia paraparau ia ’oe ma te mau mana’o i roto i tō ’oe ferurira’a ’e i tō ’oe ’ā’au. E nehenehe tāna e tauturu ia ’oe ’ia rave i te mau mā’itira’a maita’i. ’Ia pe’e ana’e ’oe i te reira mau mana’o ’e te mau ’āehuehu nō ’ō mai iāna ra, e nehenehe ’oe e fāri’i i te ’oa’oa ’e te hau.

Taime nō te mōmona

’A hāmani i te mau « faraoa monamona » tāpū mā’a hotu nō te ’amu ’e tō ’oe ’utuāfare ! Tāpūpū fa’arairai i te hō’ē ’āpara ’aore rā te hō’ē pea. I muri iho, ’a tu’u i te mau fa’a’una’una mai te pata aratita, te meri, te nōā, te hu’ahu’a totora, ’aore rā, te mau hu’ahu’a ha’ari.