Te tahi ’ohipa e rave nō te Mai, pe’e mai

Nō te pō ’utuāfare ’aore rā te ’imira’a pāpa’ira’a mo’a—’aore rā nō te ’ārearea noa !

1–7 nō Tēnuare

Tō ’oe ’itera’a pāpū

Alt text

Fa’ahōho’ara’a nā Katy Dockrill

Nō te mau ’api ’ōmuara’a o te Buka a Moromona

’Ua pāpa’i-mātāmua-hia te Buka a Moromona i ni’a i te mau ’api ’auro. Te mau ta’ata tei ’ite i te mau ’api, ’ua pāpa’i rātou ē, ’ua ’ite rātou e parau mau te reira (hi’o te ’Itera’a pāpū o nā ’ite to’otoru ’e te ’Itera’a pāpū o nā ’ite to’ova’u). Pāpa’i ’aore rā ’a pāpa’i hōho’a i tō ’oe iho ’itera’a pāpū nō te Buka a Moromona ’e ’a tu’u i te reira i roto i tā ’oe mau pāpa’ira’a mo’a.

Nō te mau tamari’i ’āpī : Patu ’āmui i te hō’ē pare. ’A parau e mea nāhea tātou ’ia patu i tō tātou ’itera’a pāpū nō te Metua i te ao ra ’e nō Iesu Mesia, hō’ē tuha’a i te taime hō’ē.

8–14 nō Tēnuare

Fa’a’itera’a i te tao’a faufa’a

alt text

Nō te 1 Nephi 1–5

E tao’a faufa’ rahi te mau pāpa’ira’a mo’a (hi’o 1 Nephi 5:21). Pāpa’i hōho’a i te tahi mau hōho’a ’ōfa’i faufa’a i ni’a i te ’api parau ’e ’a tāpūpū i te reira. ’A ani i te ta’ata tāta’itahi ’ia pāpa’i i te hō’ē ’īrava o te Buka a Moromona i ni’a i te mau ’ōfa’i faufa’a. ’A ’āno’i i te mau ’ōfa’i faufa’a ’e ’a mā’ite hō’ē i muri mai i te tahi ’e ’a tai’o i te pāpa’ira’a mo’a tāta’itahi.

Nō te mau tamari’i ’āpī a’e : ’A fa’anaho i te hō’ē show-and-tell [fa’a’ite-’e-parau], ia te mau tao’a ha’uti ’aore rā te mau buka au-roa-hia e tā ’outou mau tamari’i na’ina’i. E parau ia rātou ē, e nehenehe rātou e fa’ariro i te mau pāpa’ira’a mo’a, ’ei hō’ē o tā rātou mau tao’a au roa a’e, ma te fa’aro’ora’a ’e te ha’api’ira’a mai i te mau ’ā’amu i roto.

15–21 nō Tēnuare

Te mau ’api māramarama ’e te faufa’a

alt text

Nō te 1 Nephi 6–10

’Ua parau te Fatu ia Nephi ’ia hāmani i te tahi atu mau ’api nō te hō’ē ’ōpuara’a ta’a ’ē ’e te pa’ari (hi’o 1 Nephi 9). ’A hāmani i tā ’oe iho mau ’api nā roto mai i te mau ’api parau tūfetuhia ’aore rā te tahi mau ’api parau pa’ari. (E nehenehe ato’a ’oe e pū’ohu i tā ’oe ’api parau ’aore rā ’api parau pa’ari i te ’api aluminium !) Pāpa’i ’aore rā e pāpa’i hōho’a i ni’a i tā ’oe mau ’api i te mea tā ’oe i ’apo mai i roto i te Buka a Moromona.

Nō te mau tamari’i ’āpī a’e : ’A hīmene i te hīmene « Te itoito o Nephi » i te ’api 13. I te mau taime ato’a e hīmene ’outou i te mau ta’o « haere » ’aore rā « rave », ’a ’ōu’a i ni’a !

22–28 nō Tēnuare

Te here o te Atua

alt text

Nō te 1 Nephi 11–15

’A tai’o i te ’ā’amu o te pāpa’ira’a mo’a nō te moemoeā a Lehi i te ’api 26. Pāpa’i hōho’a i teienei i te hō’ē tumu rā’au. ’A ani i te melo tāta’itahi o te ’utuāfare ’ia tu’u i te hō’ē rau’ere i ni’a i te tumu rā’au, ’e ’ia parau i te hō’ē ’ohipa tā te Metua i te ao ra i hōro’a mai ia tātou ’o tē fa’a’ite nei ē, ’ua here ’oia ia tātou.

Nō te mau tamari’i ’āpī a’e : ’Ua riro te here o te Metua i te ao ra mai te hō’ē māramarama i roto i te pōiri. ’A tūpohe i te mau mōrī ’e ’a tu’u i te hō’ē mōrī iti i te hō’ē hope’a o te piha. ’A haere atu i te reira ’e tā ’outou mau tamari’i na’ina’i.