Pe’e ia Iesu i Tairane

Fārerei ia Panya

E mea nāhea Panya i te pe’e ia Iesu

’Ua ani manihini Panya i tōna taea’e feti’i ’ia haere i te purera’a na muri iho iāna. ’Ia haere mai ’oia, e tauturu Panya iāna ’ia ’ite ’ua fāri’i-poupou-hia ’oia. ’Ua tauturu ’oia iāna ’ia fārerei i te tahi atu mau tamari’i o te Paraimere ’e ’ia fa’ahoa atu.

I te fare, e tauturu Panya nā roto i te tāmāra’a i tāna ’āfata fa’ari’i mā’a ’e tōna mau tīa’a. « E mea ’ārearea nā’u ’ia tauturu ana’e au », tē nā reira ra Panya. Tē ora nei ’oia i pīha’i iho i tōna metua vahine fēti’i ’e tōna māmā rū’au, ’e e mea au nāna tauturu ia rāua. E tūfetu ato’a ’oia i tōna ahu ta’oto i te mau po’ipo’i ato’a.

’Aita i maoro a’e nei, ’ua fa’aru’e mai te māmā o Panya. ’Ia mihi ana’e Panya i tōna māmā, e tauturu tōna metua vahine feti’i iāna ’ia pure i te Metua i te ao ra. E ’ite ’oia ē, ’ua herehia ’oia i muri a’e i te purera’a. « ’Ia pure ana’e au, e au ra iā’u ē, tei pīha’i iho Iesu iā’u » tāna ïa i parau.

Panya ’e tōna māmā rū’au ’e tōna tati.

Nō ni’a ia Panya

Matahiti : 7

Nō te fenua : Nonthaburi, Tairane

Reo : Thai

Fā : ’Ia riro mai ’ei ta’ata ainihiāfare ’e te fa’anehenehe i te mau piha i roto i te mau fare ’e te mau fare tahua rau

Mau fa’a’ana’anataera’a : Te ’orira’a, te ta’ahira’a i tōna pere’o’o ta’ata’ahi, te ha’api’ira’a i te fa’ata’i te piāna, te ’au, te tai’ora’a ’e te taekwondo

’Utuāfare : Panya, tati, ’e māmā rū’au

Te mau mea au-roa-a’e-hia e Panya

’Ā’amu nō Iesu : I tōna bāpetizora’ahia (hi’o Mataio 3:13–17)

Te tau fa’aeara’a ’aore rā te peu ’utuāfare : Te mau tere Noela ’e te ’utuāfare

Te hotu ’e te pota : Te mā’a vine matie ’e te tōtoma

Te ’ū : Vare’au

Hīmene paraimere : « Oh j’aime voir le temple » (Chants pour les enfants, 99)

E nehenehe ato’a ’oe e pe’e ia Iesu ! 

E aha te hō’ē ’ohipa tā ’oe i rave nō te pe’e ia Iesu ? ’A pāpa’i mai ’e ’a parau mai ia mātou ! ’A huri i te ’api tāpo’i nō muri, nō te hi’o e nāhea i te rave i te reira.