Fakafanongo ki he Laumālie Māʻoniʻoní

Fai ʻa e ʻekitivitī ko ʻení mo hoʻo fāmilí ke ako fekauʻaki mo e Laumālie Māʻoniʻoní.

Ngaahi tā fakatātā ‘a Zhen Liu

Fili ha taha ke hoko ko e “tokotaha kumi.” ʻOku mavahe ʻa e tokotaha ko iá mei he lokí kae fufuuʻi ʻe he toengá ha meʻa hangē ko ha foʻi maka pe meʻavaʻinga.
Fakafoki mai ʻa e tokotaha kumí.
ʻOku fanafana mai ha taha ke tokoni ke ʻiloʻi ʻe he tokotaha kumí ʻa e feituʻu ʻoku ʻi ai ʻa e meʻa ʻoku fufūʻí. ʻOku lea ʻa e toengá ʻi he leʻo angamaheni pe leʻolahi ke tohoakiʻi kinaua.
ʻI he taimi ʻe maʻu ai ʻe he tokotaha kumí ʻa e meʻa ko iá, fili ha taha foʻou ke hoko ko e tokotaha kumí.

Talanoa fekauʻaki mo e founga ʻoku lea atu ai ʻa e Laumālie Māʻoniʻoní kiate koe ʻaki ha ngaahi fakakaukau ʻi ho ʻatamaí mo e ngaahi ongo ʻi ho lotó. Te Ne lava ʻo tataki mo tokoniʻi koe ke ke fai ha ngaahi fili ʻoku leleí. ʻI hoʻo muimui ʻi he ngaahi fakakaukau mo e ngaahi ongo ko ia ʻoku haʻu meiate Iá, te ke lava ʻo ongoʻi ʻa e fiefiá mo e nongá.

Taimi Sapá

Ngaohi ha “kūkisi” fuaʻiʻakau ke kai mo hoʻo fāmilí! Hifi ha foʻi ʻāpele pe pea ki ha ngaahi konga manifi. Hili iá pea tānaki atu ha ngaahi meʻa ʻi ʻolunga hangē ko e pīnati pata, hone, nati, sokoleti, pe niu kuo ʻosi vau.