“Ko e ʻAkau ʻo e Moʻuí,” Kaumeʻa, Sānuali 2024, 26–27.
Ngaahi Talanoa mei he Folofolá
Ko e ʻAkau ʻo e Moʻuí
Tā fakatātā ʻa Andrew Bosley
Ne hoko ʻa Līhai ko ha palōfita. Naʻe folofola ange ʻa e ʻOtuá kiate ia ke ʻave hono fāmilí ki he fonua ʻo e talaʻofá. Lolotonga ʻenau fonongá, naʻe misi ʻa Līhai ki ha fuʻu ʻakau fakaʻofoʻofa. Naʻe ui ia ko e ʻakau ʻo e moʻuí.
Naʻe tupu mei he fuʻu ʻakaú ha fua hinehina ifo. Naʻe ongoʻi fiefia ʻaupito ʻa Līhai ʻi he taimi naʻá ne kai ai iá! Naʻá ne fiemaʻu ke ʻahiʻahiʻi foki ia ʻe hono fāmilí.
Naʻe mamata foki ʻa Līhai ki ha vaʻa ukamea naʻe fakatau ki he fuʻu ʻakaú. Naʻe piki ʻa e kakaí ki he vaʻa ukameá ke nau aʻu ki he fuʻu ʻakaú ʻo kai ʻa e fuá.
ʻOku hangē ʻa e fuʻu ʻakau ʻi he misi ʻa Līhaí ko e ʻofa ʻa e ʻOtuá. ʻOku hangē ʻa e vaʻa ukameá ko e ngaahi folofolá. ʻI heʻetau lau ʻa e folofolá, ʻoku tau ʻunu ʻo ofi ange ai ki he Tamai Hēvaní mo Sīsū Kalaisi.