“Ngaahi ʻEkitivitī ʻo e Haʻu, ʻo Muimui ʻIate Aú,” Kaumeʻa, Nōvema 2024, 28–29.
Ngaahi ʻEkitivitī ʻo e Haʻu, ʻo Muimui ʻIate Aú
Maʻá e efiafi ʻi ʻapí pe ako folofolá—pe ke maʻu pē ha fiefia!
1–7 Sānuali
Ko Hoʻo Fakamoʻoní
ʻŪ tā fakatātā ʻa Katy Dockrill
Ki he Ngaahi Peesi Talamuʻaki ʻo e Tohi ʻa Molomoná
Naʻe fuofua hiki ʻa e Tohi ʻa Molomoná ʻi he ʻū lauʻi peleti koulá. Naʻe tohi ʻe he kakai ne nau mamata ki he ʻū lauʻi peletí naʻa nau ʻiloʻi ʻoku moʻoni ia (vakai ki he Fakamoʻoni ʻa e Kau Fakamoʻoni ʻe Toko Tolú mo e Fakamoʻoni ʻa e Kau Fakamoʻoni ʻe Toko Valú). Hiki pe tā haʻo fakamoʻoni pē ʻaʻau ki he Tohi ʻa Molomoná pea faʻo ia ki hoʻo folofolá.
8–14 Sānuali
Ko Hono Vahevahe ʻo e Koloá
Ki he 1 Nīfai 1:1–5
Ko ha koloa mahuʻinga ʻa e folofolá (vakai, 1 Nīfai 5:21). Tā ha ngaahi fuo makakoloa ʻi ha pepa pea kosi ʻo toʻo kinautolu. Kole ki he tokotaha takitaha ke ne hiki ha potufolofola mei he Tohi ʻa Molomoná ʻi he ngaahi makakoloá. Tuifio ʻa e ngaahi makakoloá pea taufetongi ʻi hono fili ha taha mo lau ʻa e potufolofola takitaha.
15–21 Sānuali
Ngaahi Peleti Mahinongofua mo Mahuʻingá
Ki he 1 Nīfai 6–10
Naʻe fakahā ʻe he ʻEikí kia Nīfai ke ne ngaohi ha ʻū lauʻi peleti ʻe taha koeʻuhí ko ha taumuʻa makehe mo fakapotopoto (vakai, 1 Nīfai 9). Faʻu haʻo ʻū lauʻi peleti pē ʻaʻau mei ha pepa kuo pelupelu pe kongokonga pepa fefeka. (Te ke lava foki ʻo kofukofuʻi hoʻo pepá pe pepa fefeká ʻaki ha foila ʻalaminiume!) Hiki pe tā fakatātaaʻi ʻa e meʻa ʻokú ke ako mei he Tohi ʻa Molomoná ʻi hoʻo ʻū lauʻi peletí.
22–28 Sānuali
Ko e ʻOfa ʻa e ʻOtuá
Ki he 1 Nīfai 11–15
Lau ʻa e talanoa mei he folofolá fekauʻaki mo e misi ʻa Līhaí ʻi he peesi 26. Tā leva ha fuʻu ʻakau. ʻAi ke tānaki ʻe he mēmipa takitaha ʻo e fāmilí ha lauʻi ʻakau ki he fuʻu ʻakaú pea lea ʻaki ha meʻa ʻe taha kuo foaki mai ʻe he Tamai Hēvaní ʻokú Ne fakahaaʻi mai ʻokú Ne ʻofa ʻiate kitautolu.