Ko ha Fakamoʻoni ʻe Taha ʻo Sīsū Kalaisi

Ko e Tohi ʻa Molomoná ko e tohi folofola ia. Hangē ko e Tohi Tapú, ʻokú ne akoʻi lahi ange kitautolu fekauʻaki mo Sīsū Kalaisi. Ko e ʻuhinga ia ʻoku ui ai ia ko e “fakamoʻoni ʻe taha ʻo Sīsū Kalaisí.”

ʻOku ʻi he Tohi ʻa Molomoná ha ngaahi talanoa ki he kau palōfita naʻa nau akoʻi ʻe hāʻele mai ʻa Sīsū Kalaisi ki he māmaní. ʻOkú ne fakamatala foki fekauʻaki mo e founga naʻá Ne ʻaʻahi ai ki he ongo ʻAmeliká hili ʻEne Toetuʻú pea akoʻi ʻa e kakai ʻi aí. ʻOkú ne akoʻi mai ʻa e founga te tau lava ai ʻo muimui foki kiate Iá.

ʻOkú Ne ʻofa ʻiate koe pea te Ne tokoniʻi koe. Ko ha pōpoaki mahuʻinga ʻeni ʻo e Tohi ʻa Molomoná.

Kumi ʻi he Folofolá!

Ko e hā ʻa e ʻuluaki tohi ʻi he Tohi ʻa Molomoná?
Ko e hā ʻa e hingoa ʻo e faʻē mo e tamai ʻa Nīfaí?
Ko hai ʻa e kau tautehina ʻi he fāmili ʻo Nīfaí ʻi he kamataʻanga ʻo e Tohi ʻa Molomoná?

ʻOku Ou Lava ʻo Lau ʻa e Tohi ʻa Molomoná!

Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Aú.