Kom, fylg mér – Verkefni

Fyrir heimiliskvöld eða ritningarnám – eða bara til ánægju!

26. febrúar–3. mars

Pappírsmusteri

Fyrir 2. Nefí 11–19

Jesaja kenndi að musteri séu sérstakir staðir þar sem við lærum um himneskan föður og Jesú Krist (sjá 2. Nefí 12:3). Búið til ykkar eigið musteri! Brjótið blað saman í þrjá jafna hluta. Klippið einn endann í þríhyrning. Breiðið úr blaðinu og teiknið ykkur sjálf í miðjuna.

Fyrir yngri börn: Horfið saman á mynd af musteri. Talið um það hvernig þið getið skynjað kærleika í húsi Guðs, eins og heima hjá ykkur.

4.–10. mars

Syngjandi vitnisburðir

Fyrir 2. Nefí 20–25

Jesaja miðlaði vitnisburði sínum um Jesú Krist. Hann sagði að Jesús væri styrkur hans og lofsöngur (sjá 2. Nefí 22:2). Hvaða lög um Jesú kunnið þið vel við? Talið um það hvers vegna þið elskið þau. Syngið þau síðan saman!

Fyrir yngri börn: Syngið saman „Segðu mér sögur um Jesú“ (Barnasöngbókin, 36). Fáið börnin til að halda uppi mynd af Jesú í hvert skipti sem minnst er á hann í laginu.

11.–17. mars

Orð á orð ofan Sögustund

Fyrir 2. Nefí 26–30

Himneskur faðir hjálpar okkur að læra „orð á orð ofan,“ eða smátt og smátt (2. Nefí 28:30). Segið frá uppáhalds ritningarsögu saman, eina línu í einu! Hver og einn skiptist á og fer með eina setningu í sögunni þar til sögunni lýkur.

Fyrir yngri börn: Himneskur faðir hjálpar okkur að læra um Jesú Krist. Flettið upp á bls. 48 og skiptist á að lita einn hluta myndarinnar í einu.

18.–24. mars

Skref til að fylgja Jesú

Fyrir 2. Nefí 31–33

Nefí kenndi að við fylgjum Jesú Kristi þegar við höfum trú á hann, iðrumst, skírumst og meðtökum heilagan anda og stöndumst allt til enda (sjá 2. Nefí 31). Skrifið hvert skref á mismunandi blöð, dreifið þeim síðan um gólfið. Ein persóna lokar augum sínum og telur upp á 10 á meðan allir aðrir stíga á blað. Sá sem telur segir þá eitt af skrefunum til að fylgja Jesú. Sá sem stendur á því blaði, telur næst.

Fyrir yngri börn: Þegar við höfum trú á Jesú Krist, fylgjum við því sem hann segir. Myndið röð og gangið um. Sá sem er fremstur er leiðtoginn. Hver og einn hermir eftir göngulagi leiðtogans. Skiptist á um að vera leiðtoginn!

25.–31. mars

Páskaliljur

Fyrir páska

Vegna Jesú Krists, munum við lifa á ný eftir að við deyjum (sjá Alma 40:22–25). Búið til páskaliljuföndur á bls. 17. Setjið liljurnar ykkar þar sem fjölskylda ykkar getur séð þær til að hjálpa ykkur að minnast frelsarans þessa viku.

Fyrir yngri börn: Lesið um páskana á bls. 46. Fáið börn ykkar til að benda á hverja mynd af Jesú er þið lesið.

Myndskreyting: Katy Dockrill