“O le Vavega o le Tatalo,” Uo, Aperila 2024, 2–3.
Mai le Au Peresitene Sili
O Le Vavega o le Tatalo
Sii mai le “Mana Malie o le Tatalo,” Liahona, Me 2003, 7–9; ma le “Faaaliga mo le Ekalesia, Faaaliga mo o Tatou Olaga,” Liahona, Me 2018, 93–96.
Sa aoaoina i tatou e le Faaola i le ala e tatalo ai. Tatou te tatalo atu i le Tama Faalelagi i le suafa o Iesu Keriso. E faauma a tatou tatalo i le faapea atu, “i le suafa o Iesu Keriso, amene.” A tatou faalogo i le tatalo a se isi tagata, tatou te fai atu foi “amene.” O lona uiga, “O la’u tatalo foi lena.”
Na seti e Iosefa Samita se faataitaiga mo i tatou e mulimuli i ai i le faiga o fesili. Sa ia tuu sa’o atu ana fesili i le Tama Faalelagi. Ma sa tali mai lana tatalo.
Mafaufau i lenei vavega! E mafai ona tatou tatalo uma i lo tatou Tama Faalelagi ma maua tali.
Saili se nofoaga filemu e mafai ona e alu i ai. Sasaa atu lou loto i lou Tama Faalelagi. Liliu atu ia te Ia mo ni tali ma le faamafanafanaga. Tatalo e uiga i ou popolega, mea e te fefe ai, ma faananauga o lou loto. Ona faalogo lea! Tusi i lalo manatu e oo mai i lou mafaufau.
A o e toe faia lenei faagasologa, o le a e tuputupu ae ma aoao e maua faaaliga.
O Mea Ou Te Tatalo Ai
A tatou tatalo, tatou te talanoa i le Tama Faalelagi. Tusi ata o mea e te tatalo ai i totonu o pusa o i lalo. E fiafia le Tama Faalelagi e faafofoga mai ia te oe!
-
O mea ou te faafetai ai:
-
Tagata ou te tatalo ai:
-
O mea ou te manaomia ai le fesoasoani:
Ata na tusia e Shawna J. C. Tenney