“O Le Tatalo a Enosa,” Uo, Aperila 2024, 26–27.
Tala o Tusitusiga Paia
O Le Tatalo a Enosa
Ata na tusia e Andrew Bosley
Sa i ai Enosa i le vao e tutulimanu mo meaai. A o i ai iina, sa ia mafaufau e uiga i mea na aoao atu e lona tamā, o Iakopo ia te ia e uiga i le ola e faavavau.
Sa tootuli Enosa ma tatalo i le Tama Faalelagi. Sa tatalo o ia i le ao seia oo i le po.
Sa faalogo Enosa i le siufofoga o le Tama Faalelagi. Sa ia ta’u atu ia Enosa ua faamagaloina o ia mo ana agasala. Sa lagona e Enosa ua alu ese lona ta’usalaina. Sa fesili atu o ia pe na faapefea ona tupu. Na fetalai mai le Tama Faalelagi ona o lona faatuatua ia Iesu Keriso.
Sa tatalo pea Enosa. Sa tatalo o ia mo ona tagata. Sa faapea foi ona tatalo mo ona fili. Sa ia ole atu i le Tama Faalelagi e tausia ia saogalemu tusitusiga paia. Sa taliina ana tatalo ona o lona faatuatua.