“Mulimuli ia Iesu i Aialani i Matu,” Uo, Aperila 2024, 6–7.
Mulimuli ia Iesu i Aialani i Matu
Feiloai ia Rory!
O le Auala o loo Mulimuli ai Rory ia Iesu
E fesoasoani Rory i lona aiga e faamama lo latou fale. Na te manatu o le fufuluina o ipu e malie. “E mafai ona matua pisi lava Tina i le vaaiga o se fanau e toalima ma suesue mo lona faailoga i le iunivesite,” o le tala lea a Rory. “Afai la ou te faia se mea e masani ona ia faia, e mafai ona ia maua se malologa.”
O le faamafanafanaina o isi o se tasi lea auala e mulimuli ai Rory ia Iesu Keriso. Sa auai talu ai nei lona tuafafine laitiiti i se kalapu fou a le autalavou. Sa popole o ia e alu i le taimi muamua. Sa faamafanafana o ia e Rory ma fai atu ia te ia o le a lelei mea uma. “Sa ou manao e fesoasoani ia te ia ina ia mafai ona ia maua le fiafia e pei ona ou mauaina pe a ou alu,” o lana tala lea. “Sa ou lagona le fiafia i le iloaina sa ou fesoasoani ia te ia ia fiafia.”
E uiga ia Rory
Tausaga: 10
Mai le: Atunuu o Antrim, Aialani i Matu
Gagana: FaaPeretania
Sini: 1) Avea ma se tagata taalo soka. 2) Auauna atu i se misiona.
Mea e fiafia i ai: Taalo soka, taaloga laupapa, ma taaloga kata
Aiga: Tina, Tama, uso e toatolu, ma se tuafafine e toatasi
O Mea e Fiafia i ai Rory
Tala o le Tusi a Mamona: O Amona o loo puipuia mamoe a le tupu (tagai Alema 17)
Tu Masani Faaleaiga: Ofuina o ofumoe e tutusa mo le Kerisimasi
Fualaauaina suamalie: Fala
Lanu: Moana
Pese o le Peraimeri: “Matou Te Aumaia le Upu Moni i le Lalolagi” (Tusipese a Tamaiti, 92–3)