Auala e 5 e Avea ai ma Sē e Faatupuina le Filemu

Saunia e Charlotte Larcabal Speakman

Pe a e mafaufau i se faatupu filemu, o le a se mea e te vaaia? O e vaai faalemafaufau ia te oe lava? E tatau! Na fetalai mai Iesu Keriso ia i tatou ia avea ma e faatupuina le filemu (tagai Mataio 5:9). E le manaomia ona e tau i ni autau po o le avea ma se taitai o le lalolagi e faia lena mea. O auala nei e lima e mafai ona avea ai oe ma se faatupu filemu iinei, i le taimi nei.

Faalogo e tusa lava pe e te le ioe i ai. Pe a e finau ma se tasi, taofi ma faalogo. A ese se manatu o se tasi, taofi ma faalogo.
Taumafai ia malamalama i lagona o isi. O le tele o lou malamalama i se tasi, o le faigofie foi lena o le taulimaina o i latou ma le agalelei ma maua se sootaga filemu ma i latou.
Faataitai le foiaina o faafitauli. E toatele tagata e faailoa mai faafitauli. E faasino foi le au faatupu filemu i vaifofo. O le tele o lou faataitaia o le mafaufau i vaifofo, o le lelei foi lena o lou i ai i le foiaina o faafitauli.
Filifili le onosai. Mafaufau i le taimi mulimuli na e lagona ai le lē onosai. Pe o se lagona toafilemu ea? Ailoga. Pe a e lagonaina na lagona o le lē onosai, ia manava tele i totonu. Pe a e onosai ia te oe lava ma isi, e mafai ona e lagonaina atili le filemu.
Ia manatua Iesu Keriso. “Tatalo ia maua le lototele ma le poto e ta’u atu ai pe faia le mea semanu Na Te faia,” na aoao mai ai Peresitene Nelson. “A o tatou mulimuli i le Alii o le Filemu, o le a avea i tatou ma ē e faatupuina le filemu.”^*