“O Liona i le Togavao,” Uo, Aperila 2024, 32.
Uo i le Uo
O Liona i le Togavao
Mai se faatalatalanoaga ma Linda Davies.
I le ono o ou tausaga, sa o ai lo matou aiga e savavali sopo i mauga. A o matou toe foi mai, sa ma taufetuli atu i luma ma lo’u uso matua, o Barrie. Sa ma fiafia!
Sa ma fiafia e vaai i maa, fugalaau, manulele, ma meaola laiti. Ae e lei umi ae ma iloaina ua tuua na o i ma’ua, ma ua leai se auala.
Ma te lei iloa pe faapefea ona toe foi. Sa siomia i ma’ua e laau. Sa ou vaai faalemafaufau i liona o loo lalafi i tua o laau taitasi! Na fai mai Barrie e tatau ona ma feei mo se fesoasoani. Sa ma feei mo se taimi umi lava, ae sa leai se tasi na lagonaina i ma’ua.
Mulimuli ane, sa faliu mai Barrie ia te au ma fai mai, “Ou te manatu e tatau ona ta tatalo.”
Sa ou manatu o se manatu lelei tele lena mea. A o tatalo o ia, sa pupula le tasi o’u mata e vaavaai atu mo liona. Ina ua uma ona ma tatalo, sa ma lagona le toafimalie.
O le taimi lava lena, na ma faalogoina ai le pa’o mai i laau. Sa ou mautinoa o se liona! Ae ou te lei fefe tele, sa ou vaai i le mea na pa’o mai. O Tama! Sa ma faafetai ua tali mai le ma tatalo.
A o matou toe savavali atu i le ala, sa ma ta’u atu ia Tama e uiga i le ma tatalo. Sa tu o ia ma fai mai, “E tatau ona tatou toe tatalo e faafetai atu i le Tama Faalelagi mo Lana fesoasoani.”
Faatasi ai ma ni loto fiafia, sa punonou o matou ulu, ma sa ou faafetai atu ia te Ia mo le taliina o le ma tatalo. O le taimi lea, sa ou faamautinoaina ua moeiini uma mata e lua!
Ata na tusia e Kelly Kennedy