O Gaoioiga o le Sau, Mulimuli Mai ia te A’u

Mo afiafi faaleaiga po o le suesueina o tusitusiga paia—pe tau lava o se mea manaia!

1–7 Aperila

Fefaasoaai Faatasi

Mo le Iakopo 1–4

Na aoao mai Iakopo e tatau ona tatou “lima foai atu i a [tatou] mea” (Iakopo 2:17). O lona uiga o le faasoa atu o mea ua tatou maua i isi. Fai se meaai māmā e faasoa atu i nisi o tuaoi po o uo!

Mo tamaiti laiti: E oo lava i nai faatinoga laiti o auaunaga e mafai ona fesoasoani i tagata ia lagonaina le tele o le alofa. Fesoasoani i lau fanau e mafaufau i se mea agalelei e mafai ona latou faia mo se isi tagata.

8–14 Aperila

Au Tuli

Mo Iakopo 5–7

Na fai mai Iakopo ia i tatou ia “pipii atu,” pe faalatalata pea, i le Atua ma o tatou loto atoa (Iakopo 6:5). Taaalo i se taaloga e uiga i le nonofo faatasi o se ’au! Filifili se tagata e toatasi e avea ma le tagata tuli. Pe a tape e le tagata tuli se tasi, la te uulima ma tuliloa isi tagata taaalo. A tape le isi tagata, latou te uufaatasi o latou lima ma se tasi o le au tuli. Faaauau pea ona taaalo seia oo ina uulima tagata uma.

Mo tamaiti laiti: Pe a tatou “pipii atu” i se tasi, tatou te uu mau ia i latou. Tuu atu i lau fanau e opo mai se meaola meataalo po o se meataalo faamafanafana. Talanoa pe mafai faapefea ona tatou latalata atili atu i le Tama Faalelagi ma Iesu Keriso e ala i le tatalo ma le faitauina o tusitusiga paia.

15–21 Aperila

Sootaga o Aiga

Mo Enosa–Upu a Mamona

Sa tusia e tagata i le Tusi a Mamona a latou talafaasolopito o aiga i luga o papatusi (tagai Ominae 1:1). E mafai foi ona e tusia lau talafaasolopito o aiga! Tusi lou igoa i luga o se fasipepa. Faapipii pe kelu faatasi pito e fai ai se mama. Ona tusi lea o le igoa o se tagata o le aiga i se isi pepa ma faapipii i le mama. Faapipii pe faakelu faatasi pito. Faaopoopo i ai le tele o sootaga faaleaiga e te mafaia!

Mo tamaiti laiti: E finagalo le Tama Faalelagi ia tatou manatua ma popole mo o tatou aiga. Tilotilo i ai pe tusi ni ata o lou aiga. Tuu atu i lau fanau e faasino i tagata taitoatasi o lou aiga e te ta’uina atu.

22–28 Aperila

Liliu Atu i le Perofeta

Mo le Mosaea 1–3

Na faasasaga atu faleie o sa Nifae i le Tupu o Peniamina ina ia mafai ona latou faalogo i ana upu (tagai Mosaea 2:6). Fai lou lava faleie i palanikeke, aluga, ma meafale. Ona matamata lea pe faitau faatasi se tasi o lauga a perofeta i totonu!

Mo tamaiti laiti: E faamanuiaina i tatou pe a tatou faalogo i le perofeta. Taaalo i se taaloga e uiga i le liliu atu i upu a le perofeta. Tuu atu i lau fanau e moeiini o latou mata. Tu latalata ane ma faitau pe ta se tasi o lauga a le perofeta. Vaai po o le a le vave e mafai ai e lau fanau ona liliu atu i ana upu!

O ata na tusia e Katy Dockrill