“O Le Tala i Laau Olive,” Uo, Aperila 2024, 24–25.
Aoao e uiga i le Tusi a Mamona
O Le Tala i Laau Olive
Sa faamatala e le perofeta o Iakopo se tala e uiga i le matai o se tovine olive ma ana auauna. Sa latou tausia laau. Sa latou tipi ese fua leaga ma faaopoopo ni lala fou e fesoasoani ai i laau ia tuputupu ae malosi. Sa latou tausia laau e fesoasoani ia i latou ia ola.
A o e faitauina le tala i le Iakopo 5, vaavaai mo mea nei:
Sa tausia e le matai o le tovine laau ona sa pele ia te ia.
O laau ma lala e pei o le nuu o le Alii. Sa fesoasoani auauna i le matai e tausia i latou.
O le suluina o lona uiga o le faaopoopoina o lala fou maloloina ina ia malolosi atili ai laau.
O le teuteuina o lona uiga o le tipi ese o fua ma lala leaga.
E pei lava ona tausia lelei e le matai ia laau faatasi ai ma le fesoasoani a auauna, e tausia foi i tatou e Iesu Keriso i le fesoasoani a perofeta ma taitai.
Lu’i o Tusitusiga Paia
-
O ai o loo talanoa i ai Iakopo i le Iakopo 3:1?
-
O le fea perofeta o loo sii mai e Iakopo i le Iakopo 5?
-
Na iloa e Enosa e le mafai e le Atua ona faia le a? (Enosa 1:6)
E Mafai ona Ou Faitauina le Tusi a Mamona!
A uma ona e faitau, valivali se vaega o le ata. E mafai ona e faitauina mau nei ia e o faatasi ma le faitauga o vaiaso taitasi mai le Sau, Mulimuli Mai ia te A’u.
-
Vaiaso 1: Iakopo 3:1
-
Vaiaso 2: Iakopo 6:11
-
Vaiaso 3: Ominae 1:26
-
Vaiaso 4: Mosaea 2:22
Ata na tusia e Bryan Beach