“Wan Promes blong Baptaes,” Fren, Mei 2024, 8–9.
Wan Promes blong Baptaes
“?From wanem yu wantem blong kasem baptaes?” Papa i askem.
Stori ia i hapen long YSA.
“Papa, mi save kasem baptaes taem mi gat eit yia. Keaton i askem.
Papa i lukluk i kam antap long gem we oli stap plei. “Hem i wan big joes. ?Bae i moa gud blong wet kasem we yu gat 18 yia?”
Keaton i tingting long hem. “Be mi kolosap eit nao. !Mo 18 i longwe tumas!”
Papa blong hem i stap kwaet blong smol taem. Papa i muvum pis gem blong hem. “?From wanem yu wantem blong kasem baptaes?”
“Mi lavem Jisas Kraes” Keaton i talem. “Mo mi wantem blong folem Hem.”
“Hemia i wan gudfala risen blong kasem baptaes” Papa i talem. Hem i smael. “Bae mi sapotem yu sapos hemia i wanem yu jusum. Nomata sapos yu gat eit o 18.”
Keaton i putum han blong hem raon long Papa. “!Tangkyu!”
Papa i no wan wan memba blong Jos Ia blong Jisas Kraes blong Ol Lata-dei Sent. Be yet hem i stap go long jos wetem Keaton mo mama blong blong hem samtaem. Mo taem Keaton i givim toktok o singsing wetem ol nara Praemeri pikinini long sakramen miting, oltaem Papa i go wetem hem long jos.
Afta we gem blong olgeta i finis, Keaton i faenem Mama long Kijin.
“Papa i talem se mi save kasem baptaes taem mi gat eit yia,” hem i talem.
Mama i smael. “!Hemia i naes tumas!” ?Yu yu bin tingting abaot huia yu wantem blong baptaesem yu?”
Keaton i putum ol plet long tebol. ?Yu ting se apu man i save mekem?” Apu man mo woman i stap givim seves long wan misin long nara siti.
“Yumi save askem,” Mama i talem.
Afta long dina, Keaton i vidio kol long Apu man mo woman long telefon blong mama blong hem. Smol taem afta we i ring, smael fes blong tufala i kamaot bigwan long skrin.
“!Halo Apu woman!” “!Halo Apu man!” Keaton i talem. “?Yu save wanem? Bae mi kasem baptaes nao from betdei blong mi long yia ia.”
“!Hemia i gud tumas!” Apu woman i talem.
“?Bae yu save baptaesem mi, Apu man?” Keaton i askem.
Afta, smael blong Apu man i kam moa bigwan. !Mi glad blong mekem!”
Taem dei blong baptaes ia kam, Keaton i rere. Mama mo Papa i draevem hem i go long wan smol japel kolosap long ples we Apu man mo woman i stap givim seves blong misin blong tufala long hem.
Keaton mo Apu man i jenis long waet ol klos. Oli sidaon tugeta taem evriwan i singsing. Afta Mama i mekem wan prea.
Nekiswan, Papa i givim wan toktok. “Taem yu kasem baptaes, yu promes blong folem Jisas Kraes mo obei ol komanmen blong Hem. Hem i talem long mifala blong lavem wanwan long mifala. Lav i wan bes wei blong stap laef,” hem i talem.
Keaton i lukluk long pikja blong Jisas we Papa i stap holem.
“Taem yumi lavem ol narafala man, i mekem oli filim se yumi kea long olgeta. Hem i helpem yumi tu blong gat pis mo stap hapi. Papa i lukluk stret long Keaton. “Mi glad tumas long yu tedei blong mekem promes blong folem Jisas Kraes. Mi hop se baptaes blong yu bae i oltaem rimaenem yu blong lavem God mo lavem ol narafala man.”
Keaton i givim wan bigfala hag long Papa. Afta i folem Apu man i go long wan smol ples blong baptaes. Keaton i putum wan han blong hem long han blong Apu man mo narawan long han blong Apu man. Apu man i talem ol toktok blong prea blong baptaes. Afta, hem i help blong putum Keaton i go insaed long wota.
Taem Keaton i kamaot long wota, hem i smael. !Hem i bin mekem! Hem i bin folem Jisas Kraes. I no longtaem bae hem i kasem konfemesen mo kasem presen we i Tabu Spirit? Afta, bae hem i kam wan memba blong Jos Ia blong Jisas Kraes blong Ol Lata-dei Sent.
Keaton i glad tumas blong kipim promes blong hem blong tingbaot Jisas mo obei ol komanmen blong Hem.
Pikja droing i kam long Alyssa Tallent