Ol Pipol blong Alma i Prea long Hat blong Olgeta

Pikja

Alma i stap tijim ol pipol

Ol pikja droing oli kam long Andrew Bosley

Pikja

Alma i baptaesem wan man

Alma i wan profet we i bin tijim ol pipol. Olgeta we oli biliv, oli bin kasem baptaes. Oli mekem wan kavenan blong folem God.

Pikja

Amulon i stap singaot wan man blong wok long fil we i fraet.

Wan rabis man we nem blong hem Amulon i kam rula ova long ol pipol blong Alma. Hem i i no kaen tumas long olgeta. Hem i mekem olgeta blong karem ol hevi samting.

Pikja

Ol pipol oli stap prea

Alma mo ol pipol blong hem oli prea from help. Be Amulon i mekem wan loa we se eniwan we i stap prea bae oli kilim hem i ded.

Ol pipol stop blong stap prea bigwan. Be ol pipol oli gohed blong stap prea long hat mo maen blong olgeta. God i bin ansarem ol prea blong olgeta!

Pikja

Ol pipol we oli stap wok wetem wan tingting we i gat pis

God i save se oli bin mekem wan kavenan wetem Hem. Hem i givim promes blong mekem olgeta oli strong. Hem i givim kamfot long olgeta mo mekem ol hevi samting blong olgeta i nomo hevi. Afta long hemia, God i helpem olgeta blong oli ronwe long Amulon mo travel i go long ples we i sef.