“Taem blong Skripja Stori,” Fren, Mei 2024, 30-31.
Taem blong Skripja Stori
“?Eniwan i gat wan buk we oli wantem mi blong ridim tedei?” Mista. Otoo i askem.
Stori ia i tekem ples long Gana.
“Hem i taem blong rid,” Mista. Otoo i talem.
Nyameye i sidaon stret. !Taem blong stap rid hem i gudfala taem!
Evri dei long skul, tija blong olgeta i ridimaot bigwan long klas wan buk. Samtaem hem i ridim abaot ol animol. Samtaem hem i rid abaot ol pipol long nara kantri. Mo samtaem hem i askem long klas sapos oli gat wan buk we oli wantem hem blong ridim.
“?Eniwan i gat wan buk we oli wantem mi blong ridim tedei?” Mista. Otoo i askem.
Nyameye i leftemap han blong hem. “!Yes, mi gat!” Hem i pusum han insaed long bag mo pulumaot fevret buk blong hem. !Hem i wan stori buk blong Buk blong Momon! Hem i karem blong ridim afta long skul taem we bae hem i stap wet long mama blong hem blong kam from hem. Stap lukluk long ol pikja i helpem hem blong andastanem ol skripja stori.
Mista. Otoo i smael taem hem i luk bigfala buk. “Bae yumi no save gat taem blong ridim evriwan ia. ?I gat sam pat we yu laekem blong mi ridim?”
“Yes,” Nyameye i talem. Hem i tanem ol pej go kasem we hem i faenem fevret stori blong hem. “Yu save ridim hemia, plis?” Oli singaotem drim blong Lihae.”
“Stori ia i abaot wanem?” Mista. Otoo i askem.
“?Hem i abaot wan profet we i bin luk visen? Hem i bin luk wan naesfala tri wetem gudfala frut.” Nyameye i poenem pikja blong tri. “Hem i wantem famli blong hem blong kakae frut wetem hem. ?Bae yu save ridim?” Nyameye i givim buk long tija blong hem.
“Yes,” Mista. Otoo i talem. Afta hem i stat blong ridimaot bigwan. Hem i ridim abaot smol rod we i lid i go long tri. Hem i rid abaot aean rel. Mo hem i rid abaot fasin blong stap obei long ol komanmen.
Selorm, fren blong Nyameye i leftemap han blong hem. “Wanem kaen tri ia?” hem i askem Nyameye.
“Mi no save,” Nyameye i talem. “Be frut i bin gud tumas. !Hem i mas gud moa bitim wan tri blong manggo!” Afta Nyameye i stop i tingting. “Long jos, mi lanem se frut ia i minim lav blong God. I gat mining se frut ia spesel mo man i wantem tumas.!”
Taem klas i finis, Nyameye i sidaon aotsaed blong wet long mama blong hem. Hem i karemaot stori buk blong Buk blong Momon blong hem blong ridim sam moa.
“Hemia i wan naes stori” Selorm i talem. Hem i sidaon narasaed long Nyameye. “?Mi save ridim narawan wetem yu?”
“!Yes!” Nyameye i tanem i go long nara stori. Tufala i rid abaot Abinadae mo King Noa
Sam moa fren blong tufala blong klas i kam blong lisin. Taem oli gat ol kwestin, Nyameye i ansarem olgeta. Hem i iven askem olgeta sam kwik kwestin abaot ol stori we oli ridim.
I no longtaem Nyameye i luk mama blong hem i stap wokbaot i kam long olgeta. “Tangkyu blong stap rid wetem mi,” hem i talem long ol nara pikinini. Hem i sarem buk mo i smael. Hem i glad ol fren blong hem i laekem ol fevret stori blong hem olsem we hem i laekem.
Pikja foto i kam long Zhen Liu