“Ol Not blong Konfrens,” Fren, Mei 2024, 5.
Ol Not blong Konfrens
Ol Kavenan Komitmen
Presiden Oaks i tijim se wan kavenan i wan komitmen blong mekem sam samting. Eksampol, ol dokta mo ol faeaman oli mekem kavenan blong givim seves long ol pipol insaed long komuniti blong olgeta. Taem yumi mekem kavenan wetem Papa long Heven, olsem long taem we yumi kasem baptaes, yumi promes blong givim seves long Hem mo obei ol komanmen blong Hem. Hem i blesem yumi taem yumi kipim ol kavenan blong yumi.
Hemia i tijim mi:
Gohed blong stap Padel.
Elda Renlund i tokbaot wan trip blong kayak taem we hem i padel i go fastaem long fored blong famli blong hem. Taem hem i stop blong padel wan bigfala wef, i kapsaetem hem i go long wota. Gaed blong hem i talem long hem blong gohed blong padel blong hem i save muv i go fored mo no foldaon. Sapos yumi gohed blong “padel” i go long Sevya, yumi save stap sef.
Hemia i tijim mi:
Stap kasem wan Testemoni
Presiden Pace i serem olsem wanem taem hem i gat 11 yia, mama blong hem i askem hem sapos hem i save se gospel i tru. Hem i disaed blong ridim Buk blong Momon mo prea blong save. Taem hem i mekem hemia, hem i filim kamfot mo pis we i kam long Tabu Spirit. Hemia i helpem hem blong gat testemoni blong hemwan.
Hemia i tijim mi:
Faef Ston
Sista Spannaus i talem stori blong stori blong Deved mo Golaeat. Olsem Deved we i gat faef ston blong faetem Golaeat, i gat faef “ston” blong i helpem yu fesem ol jalenj long laef blong yu. Olgeta ia i lav blong God, fet long Jisas Kraes, save se yu wan pikinini blong God, sakem sin evri dei, mo kasem paoa blong God.
Hemia i tijim mi: