?Wanem Nao I Stap long Maen blong Yu?

?Olsem wanem nao bae mi save sapos hem i Tabu Spirit o mi??

—Promted long Paris

Dia Promted,

Tabu Spirit bae i save stap lidim yu moa long wanem we yu tingting long hem. Sapos yu bin kasem baptaes mo konfemesen mo stap mekem bes blong yu blong kipim ol komanmen bae yu “oltaem, oli gat Spirit blong hem i stap wetem olgeta. [yu]” (Doktrin mo Ol Kavenan 20:77). ?Be olsem wanem nao bae yu save talem?

Tabu Spirit i lidim yumi “blong mekem gud” (Doktrin mo Ol Kavenan 11:12) mo helpem yu blong “save trutok long saed blong evri samting” (Moronae 10:5). Sapos yu gat wan tingting blong mekem gud samting o wan filing blong lav long Sevya, i tru hemia i kam long Tabu Spirit.

Plante taem, Tabu Spirit i no yusum wan voes we i bigwan o givim yu wan bigfala filing. Hem i gat kwaet mo i gat pis. Blong stap lanem blong folem Tabu Spirit i save tekem praktis.

!Yu save mekem hemia!

Fren

Ol tingting mo filing we i kam long Tabu Spirit i givim laet long rod blong yumi i go bak long Papa long Heven. Kala long wanwan balb blong laet taem yu ridim sam wei we Tabu Spirit i save helpem yu.

Tabu Spirit i save 

• fulumap mi wetem lav, glad, pis, fet mo hop.

• givim ol aedia long blong help mo givim seves.

• helpem mi blong tingbaot ol gud samting.

• helpem mi blong save wanem i tru.

• helpem mi blong andastanem wanem mi lanem.

Stori PDF