“?Huia i King Benjamin?” Fren, Mei 2024, 24–25.
Lanem abaot Buk blong Momon
?Huia i King Benjamin?
King Benjamin i wan profet blong God mo i wan king we i stret mo gud. Hem i karem tugeta ol pipol blong hem blong tijim olgeta. Hem i stanap antap long wan taoa blong moa pipol oli save harem hem. Ol pipol oli putum ol tenet raon long taoa blong lisin. !Hem i olsem jeneral konfrens!
King Benjamin i tijim se Jisas Kraes bae i bon long wol ia. Jisas bae i mekem ol merikel. Bae Hem i safa mo ded from ol sin blong evri pipol. !Bae Hem i laef bakegen afta long ded blong mekem se yumi evriwan i laef bakegen!
King Benjamin i invaetem ol pipol blong tekem long olgeta nem blong Kraes. Hemia i minim se oli mekem wan kavenan o promes blong folem God mo obei ol komanmen blong Hem.
Tedei, yumi soem se yumi wantem blong tekem long yumi nem blong Kraes taem yumi kasem baptaes.
Skripja Jalenj
-
Afta we ol pipol oli lisin long King Benjamin, ?huia nao oli mekem wan kavenan wetem? (Mosaea 5:5)
-
?Wanem nao Abinadae i bin talem long King Noa se hem i nidim blong mekem blong i save sef? (Mosaea 12:33)
-
Afta we Alma mo Helam i kamaot long wota ?oli fulap long wanem? (Mosaea 18:14)
!Mi Save Ridim Buk blong Momon!
Afta we yu ridim, kalarem pat blong pikja. Yu save ridim ol skripja ia we i go tugeta wetem riding blong evri wik long Kam Folem Mi.
-
Wik 1: Mosaea 4:9
-
Wik 2: Mosaea 7:19
-
Wik 3: Mosaea 16:9
-
Wik 4: Mosaea 18:8–10