“Stap Lisin long Tabu Spirit,” Fren, Mei 2024, 39.
Man we i Raetem i Yu
Stap Lisin long Tabu Spirit
Wan dei long taem blong famli haos naet, mama blong mi i stap toktok abaot Tabu Spirit. Hem i talem se oltaem Tabu Spirit i toktok taem hem i givim wan tingting long maen blong yu.
Taem hem i talem hemia, mi sapraes tumas. I no long taem i pas, mi bin prea mo askem Papa blong mi long Heven blong helpem mi harem Tabu Spirit. Be mi no bin save se Tabu Spirit i save toktok long mi long maen olsem ia. Ful laef blong mi, mi gat ol tingting we oli lidim mi blong jusum gud fasin. Naoia, !mi save se ol tingting ia oli kam long Tabu Spirit!
Stat long taem ia, mi save luksave Tabu Spirit plante moa. Las Sandei we i pas, mifala i gat famli haos naet bakegen. Taem ia hem i abaot ol testemoni. Mi no bin save gud wanem ia wan testemoni, mekem mi askem papa blong mi. Hem i talem long mi se wan testemoni i wan samting we yu save o bilivim se i tru. Hem i talem se yumi kasem ol testemoni blong yumi tru long Tabu Spirit. Afta mi tingting long olsem wanem mi stat blong luksave Tabu Spirit moa, mo !Bum! !Mi tu mi gat wan testemoni!
Blong save hemia i mekem mi filim moa glad. Mi wantem blong kam wan moa gud man blong folem Jisas Kraes mo oltaem lisin long Tabu Spirit.
Pikja droing i kam long Brenna Vaughan