!Halo i kam long Vanuatu!

Lanem abaot ol pikinini blong Papa long Heven long evri ples raon long wol.

Vanuatu i wan long tropikol aelan kantri long Pasifik Osen. !Moa long 300 taosen pipol oli stap long ples ia!

Lanwis

Bislama, Inglis mo Franis oli ol ofisol lanwis. Kolosap evriwan oli toktok Bislama.

Tangkyu.

!Hemia i minim “thank you” long Bislama!

Buk blong Momon

Ol memba blong Jos mo Buk blong Momon long Bislama

Buk blong Momon, oli bin transletem i go long Bislama long 2004. Stat long taem ia, raon long 8,000 moa pipol i bin joenem Jos long Vanuatu.

Tropikol Aelan

Sanbij mo bot

Oli save long Vanuatu from ol naes sanbij mo klia blu solwota. !Oli iven gat sam blak sanbij!

Mane we i gat kala

Mane blong Vanuatu mo wan tropikol pijin.

Vanuatu i gat mane we kala blong hem i klia gud, i soem hamas laef i gat mining long ol aelan mo ol plan we oli gro mo ol animol we i laef long ples ia.

Aktiviti

Flaoa blong Hed

Pepa flaoa blong Hed we oli mekem

Blong ol lafet mo seremoni, ol pipol long Vanuatu oli werem ol flaoa blong hed we oli kalakala.

Katem kala pepa long sep blong flaoa. Mekem smol hol long medel blong wanwan flaoa. Katem wan string we i long inaf blong fasem raon long hed blong yu. Somap ol flaoa long string. Afta, fasem ol en blong string tugeta. Flaoa blong hed blong yu i rere blong werem.

Resipi

Kokonat Kek

Kokonat Kek

Kokonat kek i wan kakae we oli yusum plante long Vanuatu. !Hemia wan resipi we yu save traem!

1. Tantanem ½ kap suga mo ¾ kap bata we i melt long wan bol.

2. Ademap 2 eg mo miksim.

3. Miksim long ½ kap flaoa, 1 kap kokonas we i sikrasem, mo 1 tispun beking paoda.

4. Kapsaetem long wan raon trei blong kek we yu grisim mo bekem blong 20 minit long 300°F (150°C).

!Mekem sua blong askem help long wan adalt!

Stori PDF

Ol pikja i kam long Anna Oldroyd