“Mitim Elda Patrick Kearon,” Fren, Mei 2024, 7.
Oli Singaotem wan Niu Aposol
Mitim Elda Patrick Kearon
Oli karemaot long Trent Toone, “Ol laef eksperiens blong Elda Kearon we oli ‘naesfala’ mo oli ‘pusum’ hem blong rere blong save kam wan Aposol,” Church News, Jan. 23, 2024.
Elda Patrick Kearon i wan niu memba blong Kworom blong Olgeta Twelef Aposol. Hem i bin bon mo groap long Inglan. Hem mo famli blong hem i stap tu long Saudi Arabia taem papa blong hem i bin wok longwe. Oli singaotem hem olsem wan Aposol long 7 Disemba 2023.
Olsem wan yang adalt, Elda Kearon i mitim sam misinari blong Jos Ia blong Jisas blong Ol Lata Dei Sent long London be hem i no bin intres long mesej blong olgeta. Afta, ol misinari oli stat blong tijim hem abaot gospel mo hem i bin filim Tabu Spirit. Taem hem i bin stap lanem abaot Jos, Elda Kearon i kasem wan prishud blesing. Hem i talem se i bin wan naes eksperiens we i bin helpem blong disaed blong joenem Jos. Hem i bin kasem baptaes taem hem i gat 26 yia long Krismes Iv.
Elda Kearon mo waef blong hem tufala i gat fo pikinini. Fas bon blong tufala i ded olsem wan bebi. Elda mo Sista Kearon tufala i harem nogud. Be hemia i mekem fet blong tufala i kam strong moa long girap bakegen long ded mo long gospel blong Jisas Kraes. Elda Kearon oli singaotem hem olsem wan Jeneral Atoriti long 2010. Hem i laekem blong luk ol memba blong Jos i helpem ol man we oli stap long nid raon long wol.
Elda Kearon i tangkyu from plan blong sevem man. Hem i save se iven long ol hadtaem, oltaem yumi save filim lav blong Papa long Heven mo Sevya.