Wan Storian wetem Isabela abaot Ol Kavenan

Isabela i blong Alajuela, Costa Rica. Mifala i askem hem sam kwestin abaot wanem i minim blong kipim ol kavenan blong baptaes.

Foto blong fes blong Isabela

Talem long mifala abaot yuwan.

Gel wetem dog

Pitsa mo spaketi

Mi gat 13 yia. Mi laekem blong plei futbol, kuk, somap, swim mo givim seves long ol nara man. Drim blong mi i blong kam wan dokta blong animol from mi laekem blong helpem ol animol. Fevret kaekae blong mi hem i spaketi mo pitsa, mo fevret kala blong mi hem i pepol.

?Olsem wanem nao yu kipim ol kavenan baptaes blong yu?

Gel i putum han long jin blong hem mo i stap tingting

Mi sakem sin mo tekem sakramen evri wik. Mi gat wan koling long Yang Woman klas blong mi mo mi traem blong series wetem. Mi kipim ol kavenan blong mi tu taem mi stap givim seves long ol nara man.

?Wanem nao yu mekem blong givim seves long ol nara man?

Gel i stap plei wetem ol blok wetem smol gel

Mi laekem blong helpem famli blong mi. Oltaem mi plei wetem Lina, kasen blong mi we hem i gat tri yia, taem papa mo mama blong hem i stap wok. Mi laekem blong helpem ol bubu blong mi taem tufala i nidim mi. Mi helpem klasmet blong mi tu blong stadi Franis eksam long skul.

Talem long mifala moa abaot koling blong yu.

Ol gel i stap stanap tugeta long ol jos klos.

Mi mi fas kaonsela long Yang Woman klas blong mi. Ol diuti blong mi i tekem tu wok blong givhan long ol yang woman. Hemia i minim blong stap helpem olgeta wetem wanem nid oli gat. Mi go long klas mo ol aktiviti, mo mi traem blong kam wan fren long ol nara gel we oli no stap long klas blong mi.

Wanem advaes yu save givim long wan we i fastaem blong hem blong gat koling?

Ol gel i stap lisin long Yang Woman tija

Mi save talem long olgeta se oli no mas fraet. Wan koling i wan wei we yu save help wetem wok blong Papa long Heven. !Bes wei blong helpem ol narawan i tru long eksampol blong yu!

Stori PDF

Ol pikja droing oli kam long Vivian Mineker