“Klin Bakegen,” Fren, Mei 2024, 18–19.
Klin Bakegen
!Mi no save jusum raet nomo blong wan dei! Emily i talem.
Stori ia i hapen YSA.
Emily i stanap long wota wetem Papa mo i smael. Hem i bin stap wet long dei ia blong sam wik. Hat blong hem i stap pam from hem i neva go andanit long wota bifo. Be hem i glad tumas blong kasem baptaes olsem Jisas Kraes i mekem.
Hem i sarem ae blong hem mo lisin long Papa i talem prea blong baptaes. Afta hem i skwisim nus, sarem ae mo benem tufala ni blong hem taem Papa i draonem hem insaed long wota.
Kwiktaem Papa i pulumaot hem i kam antap mo wota i kavremap hem. Emily i waepem aot wota long ae blong hem mo hem i smael. Hem i filim i defren nao. Wan niu, hapi filing i fulumap hem. Hem i wantem blong kipim filing ia oltaem.
Papa i givim wan bigfala hag long hem. Mi save olsem wanem blong kipim gudfala filing ia, Emily talem. Evri samting mi mas mekem hem i !jusum raet mo kam olsem Jisas Kraes! Hem i filim sua se hem i save mekem hemia.
Taem oli kasem haos, Emily i ron aot long trak i go long doa long fored. Mo Jonah, smol brata blong hem we i gat fo yia. Taem Emily i kasem doa mo stat blong openem, Jonah i holem sket blong hem mo pulum strong i go bak.
“No!” Emily i singaot strong. Emily i pulumaot sket blong hem long ol han blong Jonah. Afta Emily i blokem rod blong Jonah blong hem i no save go insaed faswan. Hem i filim se hem i kros tumas!
Kwik taem hem i stap kwaet. Wan nogud filing i fulumap hat blong hem. Emily i kamaot long rod mo letem Jonah i ron i go insaed.
“Sore!” hem i singaot i go biaen long hem. Hem i jes mekem wan rong joes. Sevya bae i no save singaot long Jonah. ?Olsem wanem nao hem i mestem finis? Wan niu hapi filing blong hem i jes lus.
Mi spolem, hem i talem. !Mi no save jusum raet nomo blong wan dei!
Nekis dei hem i Sandei. Taem Emily i rere blong jos, hem i stap tingting abaot olsem wanem hem i singaot long Jonah. Hem i stil harem nogud.
Long taem blong sakramen miting, bisop i askem Emily blong kam antap long fored. Hem i kasem konfemesen. Hemia i minim se bae hem i kasem presen blong Tabu Spirit. Hem i sidaon long wan jea. Papa i putum slo han blong hem antap long hed blong Emily.
Emily i sarem ae taem Papa i stat. Hem i harem Papa i talem ol toktok ia “Kasem Tabu Spirit.”
Emily i gohed blong stap lisin.
“Emily, oltaem tingbaot se from Jisas Kraes, yu save sakem sin taem yu mekem wan nogud joes” Papa i talem. “Evri taem yu tekem sakramen, yu save tingbaot kavenan we yu mekem taem yu baptaes. Yu save promes bakegen blong folem Hem.”
Taem Papa i finis blong givim blesing, Emily i filim pis mo hapi. Mi save se Tabu Spirit i stap talem long hem se evri samting bae i oraet. Hem i Oraet se hem i no stret gud evriwan. From Jisas Kraes mo Atonmen blong Hem, hem save sakem sin mo kasem fogivnes. Hem i sore we hem i singaot strong long Jonah mo Papa long Heven i save se bae hem i gohed blong traem.
Emily i smael taem hem mo Papa i wokbaot i gobak long jea blong tufala. Sakramen i nekis wan mo Emily i stap luk fored long hem.
Ol pikja droing i kam long Audrey Day