“M̧ōttā ilo Jekab,” Jera, Māe 2024, 14–15.
M̧ōttā ilo Jekab
Ekōjkan aer ikkure n̄e rejjab m̧eļeļe an doon kajin?
Bwebwenato in ekar bōk jikin ilo Germany.
“Ewōr meram lo būruō rainin!” Matvii eaar al. Jinen im laddik eo jatin, Tumofii, rej bar al ippān. Ekar marok nam̧ōj in wūntō in wa eo. Bōtaab al eo ekar jipan̄ an aolep men meramļo̧k.
Ekar juon iien ekamijak n̄an Matvii im baam̧le eo an. Raar em̧m̧akūtļo̧k n̄an Germany kōnke ijo jikier epād ilo jorrāān Raar emakūtkūt ium̧win 2 raan, kiiō m̧ōttan jidik retōpar. Juon bisop ilo Germany ekar ettōr kake er n̄an juon jikin bwe ren jokwe.
Matvii ar em̧ōņōņō kōn an Jemedwōj Ilan̄ kar jipan̄ er tōparļo̧k Germany ilo kōjparok. Bōtaab eaar on̄ kōn Jemān. Eaar aikuj in pād wōt ilo laļ eo aer kōnke ewōr juon pata. Matvii eaar ļap an inepata kake.
Bisop eo eaar baak e wa eo nam̧ōjin juon em̧. “Kom̧ ruwainene tok n̄an m̧wiin m̧ō.”
Matvii eaar bōk pāāk eo an im ļoorļo̧ baam̧le eo an n̄an iloan m̧weo. Eaar ejeļo̧k keroro. Baam̧le eo an bisop remaron̄ kar kiki wōt etto.
“Kwomaron̄ pād ilo ruum̧ ne an Mats im Lore ilo am̧ pād m̧wiin.” bisop eo eaar ba.
“Kōttar,” M̧am̧a eaar ba. “Rejjab aikuj letok ruum̧ en aer n̄an kōj.”
Bisop eo eaar etōn̄dikdik. “Rem̧ōņōņō in. Kōm kōņaan bwe kwon ko̧ņ.”
M̧am̧a ekar em̧ajidjid. “Kom̧m̧ool.”
Jibbon̄ eo, Matvii im Tymofii raar etal n̄an jikin m̧ōn̄ā eo n̄an m̧abun̄. Bisop eo eaar jijōt ilo tebōļ eo ippān juon ļaddik im juon leddik. Raar jab lukkuun rūttoļo̧k jān Matvii.
“Errein ajri ro neju Mats im Lore,” bisop eaar ba.
“M̧ōņōņō in lo eok,” Tymofii eaar ba.
Mats im Lore raar pok jidik.
“Rejjab kōnono kajin ne am̧,” bisop eaar ba. “Ak ijeļā jenaaj m̧ōttā.”
Matvii eaar kajememe. Ekōjkan aer m̧ōttā n̄e rejjab maron̄ kōnono n̄an doon? Ļein eaar en̄jake meram eo ekar al kake bon̄ ejako.
Ālkin aer m̧ōn̄ā, Mats im Lore raar kwaļo̧k ruum̧ in ikkure eo. Ajri ro ruo reddik raar ikkure kōn jet kein ikkure ko. Matvii ekar ļōmņak ajri ro redik raar jatin Mats im Lore.
Mats ekar ba juon men. Āinwōt eitok ilo kajjitōk, ak Matvii ejjab jeļā ta eo ekar ba. Mats ekar jijōt im kōpeļo̧k juon bo̧o̧k in kaaj. Ekar karōki ioon doon. Innām e im Lore raar kōņak lōn̄tak kaaj ko aer. Matvii ekar kōnaan ikkure. Ak ekar jaje elmen!
Mats eaar door lalļo̧k juon kaaj im reilo̧k n̄an Matvii. Ebar ba juon men.
Matvii ear kōņaan jan̄. Eaar jab kōņaan jokwe ilo Germany n̄e ejjab m̧eļeļe an jabdewōt kōnono.
Lore eaar ba juon men n̄an Mats, innām ko n̄an loan closet eo. Liin eaar ro̧o̧ltok im jino juon ikkure kāāl.
Matvii eaar jeļā ikkure in. Wa jidik ko reitōn āinwōt ko ilo ijo jikin. Ekar jekab! Ekōn ikkure jekab ippān Jemān elōn̄awa ko. Matvii em̧ajidjid kōn m̧ōņōņō. Eaar jeļā kilen ikkure in.
Lore eaar ettōn̄ im jino karōki wa ko.
Matvii eaar kōm̧m̧akūte wa eo waan 2 jukwea im kalimjōk an Lore kōm̧m̧akūt ritariņae eo waan. Innām Matvii eaar kōm̧m̧akūt wa eo waan nae etan bisop n̄an wa eo waan Lore nae etan ritariņae. Erro Tymofii kar kabokbok. Lore eaar kōm̧m̧ane juon ainikien kūtōtō, ak ej ettōn̄.
Raar ikkure ium̧win juon iien aetok. Ejjab to raar ettōn̄. Raar jab meļeļe naan ko an doon, ak raar limo wōt.
Ium̧win jejjo wiik, raar loe ikkure ko jet er aolep kar jeļā kaki. Raar ikkure football nam̧ōj ippān ajri in Germany ro jet. Matvii eaar ekkatak jejjo naan in German. Jet iien ļein eaar kōm̧m̧an bwōd, bōtaab eaar kajjieon̄ wōt.
Matvii eaar on̄ kake jemān im ijo jikin. Ak eaar kam̧m̧oolol Jemedwōj Ilan̄ kōņ an jipan̄ e kōm̧m̧an m̧ōttan.
Kōmeļeļe ko jān Hannah Li