Kakeememej ko an Kweilo̧k eo

Bujen Kallim̧ur

Dallin H. Oaks

Būreejtōn Oaks ekar katakin bwe juon bujen ej juon kallim̧ur n̄an kōm̧m̧an jet men ko rekkar. N̄an waanjon̄ak, takto im rikkun kijeek ro rej kōm̧m̧an bujen n̄an jerbal n̄an armij ro ilo jukjuk in pād eo. N̄e jej kōm̧m̧an bujen ippān Jemedwōj Ilan̄, āinwōt iien eo jaar peptaij, jej kallim̧ur n̄an jerbal n̄an E im pokake kien ko An. E ej kōjeraam̧m̧an kōj n̄e jej kōjpārok bujen ko ad.

Menin ej katakin eō:

At ko an rikkun kijeek im kein keron̄jak menono

Aōņōōņ Wōt

Dale G. Renlund

Elder Renlund ekar bwebwenato kōn juon tūreep in kayak eo im ekar aōņōōņ metoļo̧k jān baam̧le eo an. Ke ekar bōjrak, juon ņo ekar būn̄ti n̄an lojet. Ri jipan̄ eo ekar jiron̄e bwe en aōņōōņ wōt bwe e en wōnm̧aanļo̧k wōt im jab wōtlo̧k. Eļan̄n̄e jej “aōņōōņ” m̧aanļo̧k n̄an ippān Rilo̧mo̧o̧r eo, jemaron̄ pād ilo kōjpārok im koņ.

Menin ej katakin eō:

Kayak im jebwe

Bōk juon Kam̧ool

Mark L. Pace

Būreejtōn Pace ekar kwaļo̧k bwe ke ekar 11 iiō dettan, jinen ekar kajjitōk eļan̄n̄e ekar jeļā ippān make bwe gospel eo ej m̧ool. Ekar kāālet n̄an riiti Bok in Mormon im jar bwe en jeļā. Ilo an kar kōm̧m̧ane, ekar en̄jake kaenōm̧m̧an im inem̧m̧an jān Jetōb Kwojarjar eo. Mennin ekar jipan̄e bōk juon an make naan in kam̧ool.

Menin ej katakin eō:

Kōppeļļo̧k bok

Ļalem Dekā

Andrea Muñoz Spannaus

Sister Spannaus ekar kwaļo̧k bwebwenato in David im Koliat. Āinwōt an kar wōr 5 an David dekā n̄an m̧an Koliat, ewōr ļalem “dekā” ko n̄an jipan̄ eok jelm̧ae apan̄ ko an mour in. Men kein rej iakwe n̄an Anij, tōmak ilo Jisōs Kraist, jeļā bwe kwe nejin Anij, ukweļo̧k aolep raan, im bōk kajoor an Anij.

Menin ej katakin eō:

Puwat im dekā ko

Peij eo ilo PDF

Pija ko jān Josh Talbot