“Kajoor an Tampeļ,” Jera, Māe 2024, 2–3.
Juon Ennaan an Kweilo̧k eo jān Rikanaan eo
Kajoor an Tampeļ
Kakkobaba jān “M̧ōņōņō kōn Menin Letok eo an Priesthood Kii ko,” Liaona, Māe 2024, 119–21.
Ilo M̧aaj, Kabun̄ eo an Jisōs Kraist im Armej ro Rekwojarjar ilo Raan Ko Āliktata rekar wiaik Kirtland Tampeļ eo. Tampeļ in ekar juon m̧ōttan eo eaorōk n̄an jepļaaktok eo an gospel eo an Jisōs Kraist.
Ilo Eprōļ 3, 1836, Jisōs Kraist eaar waļo̧k n̄an Joseph Smith im Oliver Cowdery ilo Kirtland Tampeļ eo. Rilo̧mo̧o̧r eo ekar bōk tampeļ eo bwe en m̧weeo Im̧ōn. Innām E kar kallim̧ur, “Inaaj kwaļo̧k Eō make n̄an armej ro Aō ilo tūriam̧o ilo m̧wiin.” (Katak im Bujen Ko 110:7). Kallim̧ur in ej jerbal n̄an aolep tampeļ ko rainin.
Ilo tampeļ, komaron̄ bōk uaak in jar ko. Komaron̄ bar bōk tōmak, maron̄, kaenōm̧m̧an, jeļāļo̧kjen, im kajoor. Iien ko ilo tampeļ renaaj jipan̄ eok ļōmņak kōn selestial im n̄an am̧ lo lukkuun wōn kwe im wōn eo konaaj erom̧. Enaaj jipan̄ eok m̧eļeļe ia eo kwoj pād ie ilo karōk eo ekabwilōn̄lōn̄ an Anij. Ij kallim̧uri n̄an eok menin.
Kirtland Tampeļ
Ikkure in M̧wijm̧wiji kōn peba
M̧wijit tōrerein Kirtland Tampeļ eo. Innām nukwiji ļain ko im teep e jait ko im kobaik ippān doon.
Ta Kirtland Tampeļ Eo?
Kirtand Tampeļ eo kar kalōke ilo Kirtland, Ohio, USA, ilo 1836. Kar tampeļ eo jinointata an Kabun̄ in ilo an kar jepļaaktok.
Tokālik, ro uwaan Kabun̄ in raar aikuj likūt wot n̄an em̧m̧akūt rālikļo̧k. Bar juon kabun̄ ekar kōjpārok m̧wiin iumin elōn̄ iiō ko. Ejjab to, Kabun̄ eo an Jisōs Kraist im Armej ro Rekwojarjar ilo Raan Ko Āliktata rekar wiaik tampeļ eo.
Jin̄a eo jān David Green