“Itok, Ļoor Eō M̧akūtkūt ko,” Jera, Māe. 2024, 28–29.

Itok, Ļoor Eo M̧akūtkūt ko

N̄an nokon in jota ak ekkatak jeje ko rekwojarjar—ak n̄an baj kam̧ōņōņō!

Ļoor Bun̄ten Neen

Kiin̄ Mosaia eaar kōjparok kien ko im “eaar etetal ilo iaļ ko an Irooj” (Mosaia 6:6). Ilo juon m̧ōttan peba, jin̄aik neem̧ im m̧wijiti annan̄ in. Je ioon annan̄ in neem̧ juon iaļ kwomaron̄ ļoor Jisōs. Likūt annan̄ in neem̧ ijo kwomaron̄ keememej in ļoor wanjon̄ak eo an Jisōs Kraist.

Ļoor Rikanaan eo

Ilo Mosaia 7–10

Ammōn eaar katakin bwe rikanaan ro remaron̄ loi ta ko rej itok (lale Mosaia 8:16–17). Elōkļo̧k n̄an peij 2 n̄an riiti enaan eo an Būreejtōn Nelson jān kweilo̧k eo eļap. Ta eo ekar jiron̄ kōj? Jin̄aik juon pija kake im jilkintok n̄an kōm ilo eo Jera.

Juon Meram ilo Marok

Ilo Mosaia 11–17

Abinidai eaar katakin bwe Jisōs ej “meram eo ejjeļo̧k jem̧ļo̧kin, eo emaron̄ jab tinaad” (Mosaia 16:9). Nooj juon men ilo m̧weo. Kune tōm̧a ko im kōm̧m̧ane bwe aolep ren kajjieon̄ pukote ilo marok. Innām nooje juon men im kajjieon̄ pukote ilo an ebbōl tōm̧a eo ak kōn teen̄ki. Wāween ta eo ekar pidodo? Ewi wāween an Jisōs jipan̄ kōj āinwōt an meram kar jipan̄ eok?

Bōro Kuk Ippān Doon

Ilo Mosaia 18–24

Alma ekar katakin kōj n̄an kōm̧m̧an bwe “būruōd ren kuk ippān doon ilo bōrokuk im ilo iakwe” (Mosaia 18:21). M̧eļeļein jej aikuj jerbal ippān doon im kwaļo̧k iakwe n̄an ro jet. Kōm̧m̧ane juon to in hearts ko n̄an kakeememej eok! M̧wijit jet peba jōkjōk hearts ko im je etan kajjojo iaan ro uwaan baamle eo am̧. Kōm̧m̧ane juon ron̄ ilo kajjojo peba jōkjō hearts ko im karum̧ļo̧k juon to ie bwe hearts ko ren koba. Kattotoik to in peba jōkjōk in hearts ko ijo enaaj ikutkut am̧ loi!