Bwebwenato ippān Isabela kōn Bujen ko

Isabela ej jān Alajuela, Costa Rica. Kōm kar kajjitōkini jet kajjitōk ko kōn ta m̧eļeļein kōjparok bujen peptaij eo an n̄an e.

Kwaļo̧k kajeem make n̄an kōm.

13 aō iiō. Em̧m̧an ippa ikkure football, kōmat, keke, aōō, im jipan̄ ro jet. Ettōņak eo aō bwe in juon taktō in mennin mour kōnke em̧m̧an ippa jipan̄ mennin mour ko. M̧ōn̄ā ko renno tata ippa rej spaghetti im pizza, em̧m̧antata ippa kōļar piolet.

Elmen am̧ kōjparok bujen peptaij eo am̧?

Imaron̄ ukweļo̧k im bōk kwojkwoj eo aolep wiik. Ewōr juon aō kūr ilo kulaaj in Doulul eo an Jiron̄ Ro, im ij kajjieon̄ boke ilo m̧ool. Ij bar kōjparok bujen ko aō ilo aō jipan̄ ro jet.

Ta eo kwoj kōm̧m̧ane n̄an jipan̄ ro jet?

Em̧m̧an ippa jipan̄ baam̧le eo aō. Ekutkut aō ikkure ippān eo rilikū jilu an iiō, Lina, ilo an jinen im jemān jerbal. Em̧m̧an ippa jipan̄ būbū im jim̧m̧a n̄e rej aikuji eō. Ij bar jipan̄ rijikuuļ eo m̧ōtta ekkatak kajin Franch n̄an teej eo an ilo jikuuļ.

Ba n̄an kōm eļapļo̧k kōn kūr eo am̧.

Ij rikakpilōklōk eo kein kajuon ilo kūlaaj in Doulul eo an Jiron̄ Ro. Jerbal ko aō ekoba jerbal in karejar n̄an jiron̄ ro. Meļeļein jipan̄ er ilo jabdewōt aer aikuj. Ij etal n̄an kūlaaj im m̧akūtkūt ko, im ij kajjieon̄ m̧ōttā ippān leddik ro jet ilo kūlaaj me rejjab itok.

Ta kōkakpilōklōk ko kwon kar leļo̧k n̄an juon kōn kūr eo aer kein kajjuon?

Inaaj kar jiron̄ er bwe ren jab mijak. Juon kūr ej juon wāween kwomaron̄ jipan̄ ilo jerbal eo an Jemedwōj Ilan̄. Wāween eo em̧m̧antata n̄an jipan̄ ro jet ilo waanjon̄ak eo am̧!

Kōmeļeļe ko jān Vivian Mineker