“Ta eo ilo Ļōmņak eo Am̧?” Jera, Māe 2024, 38.
Ta eo ilo Ļōmņak eo Am̧?
Ekōjkan aō jeļā n̄e ej Jetōb Kwojarjar ak n̄a?
—Prompted ilo Paris
Iakwe Prompted,
Jetōb Kwojarjar emaron̄ kar tōl eok eļapļo̧k jān am̧ ļōmņak. N̄e em̧ōj am̧ peptaij im kar kapen eok im kwoj kōm̧m̧an jon̄an wōt am̧ maron̄ kōjparok kien ko, kwonaaj bōk “Jetōb eo An en maron̄ pād [ippam̧] iien otemjej” (Katak im Bujen Ko 20:77). Bōtaab elmen am̧ jeļā?
Jetōb Kwojarjar ej tōl kōj “n̄an kōm̧m̧an em̧m̧an” (Katak im Bujen Ko 11:12) im jipan̄ kōj “jeļā m̧ool eo n̄an aolep men otemjeļo̧k” (Moronai 10:5). Eļan̄n̄e eaar wōr am̧ ļōmņak in kōm̧m̧an em̧m̧an ak en̄jake in iakwe n̄an Rilom̧o̧o̧r, emaron̄ jān Jetōb Kwojarjar.
Aolep iien, Jetōb Kwojarjar ejjab kōjerbal juon ainikien eļap ak letok juon en̄jake eļap. Elur im eaenōm̧m̧an. Ekkatak n̄an ļoor Jetōb Kwojarjar enaaj bōk iien.
Kwomaron̄ kōm̧m̧ane men in!
Eo Jera
Ļōmņak im en̄jake ko jān Jetōb Kwojarjar rej kōmeram iaļ ko ad ļo̧k n̄an Jemedwōj Ilan̄. Kōļar ilo kajjojo tōm̧a ilo am̧ riit jet wāween ko Jetōb Kwojarjar emaron̄ jipan̄ eok.
Jetōb Kwojarjar emaron̄ . . .
-
kobrak eō kōn iakwe, lan̄lōn̄, aenōm̧m̧an, tōmak, im kōjatdikdik.
-
letok ļōmņak bwe in jipan̄ im jerbal.
-
jipan̄ eō keememej men ko rem̧m̧an.
-
Jipan̄ eō jeļā ta eo em̧ool.
-
Jipan̄ eō meļeļe ta eo iaar ekkatak.