Ron̄jake Jetōb Kwojarjar

Jān Warner B., 11 iiō dettan, Utah, USA

Juon raan ilo juon nokon an baam̧le, jinō ekar kōnono kōn Jetōb Kwojarjar. Ekar ba ekutkut an Jetōb Kwojarjar kōnono ilo an lewaj juon ļōm̧ņak ilo kōļmenļo̧kjen eo am̧.

Ke ekar ba men eo, iaar ilbōk. Ekkein, iaar jar im kajjitōk ippān Jemedwōj Ilan̄ n̄an jipan̄ eō ron̄ ainikien Jetōb Kwojarjar. Ak iaar jab jeļā ke Jetōb Kwojarjar emaron̄ kōnono n̄an eō ilo kōļmenļo̧kjeņ eo aō. Aolepen mour eo aō ekōn wōr wōt aō ļōmņak me kar tōl eō n̄an kāālet jim̧we eo. Kiiō ijeļā ke ļōmņak kein raar itok jān Jetōb Kwojarjar!

Jān iien eo, iaar eļapļo̧k aō kar kile Jetōb Kwojarjar. Kar Jabōt eo ļo̧k, kōm kar bar nokon in jota ippān doon. Iien in kar kōn naan in kam̧ool. Iaar jab lukkuun jeļā ta in naan in kam̧ool, kiiō iaar kajjitōkin jema. Ekar jiron̄ eō bwe naan in kam̧ool ej juon men kwojeļā ak tōmak ke em̧ool. Ekar ba jej bōk naan in kam̧ool ko ad jān Jetōb Kwojarjar. Innām iaar ļōmņak kōn wāween aō kar jino kile Jetōb Kwojarjar, im BOOM! Ekar bar wōr aō naan in kam̧ool!

Āō jeļā menin ekōm̧m̧an aō m̧ōņōņō ļak wōt. Ikōņaan bwe in em̧m̧anļo̧k n̄an ļoor Jisōs Kraist im ron̄jake Jetōb Kwojarjar aolep iien.