“Jeļā Kajeen Elder Patrick Kearon,” Jera, Māe 2024, 7.
Kūr eo an JuonRijilōk Kāāl
Jeļā Kajeen Elder Patrick Kearon
Kar kakkobaba jān Trent Toone, “Kar ‘aiboojoj’ im ‘tarlepen’ wāwein mour ko rekkar kepooj Elder Kearon n̄an an erom̧ juon Rijilōk,” Nuuj ko an Kabun̄ in, Jan. 23, 2024.
Elder Patrick Kearon ej juon uwaan Doulul eo an Jon̄oulruo Rijilōk ro im ekāāl tata! Ekar ļotak im rittoļo̧k ilo England. E im baam̧le eo an raar bar jokwe ilo Saudi Arabia ke jemen ekar jerbal ijo. Kar kūri bwe en juon Rijilōk ilo Tijem̧ba 7, 2023.
Ke eaar juon rum̧m̧an ded, Elder Kearon ekar ioon jet mijenede jān Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo London bōtaab ekar jab ikdeelel ilo enaan eo aer. Tokālik, mijenede ro raar jino katakin e kōn gospel eo im ekar en̄jake Jetōb Kwojarjar. Ke ekar ekkatak kōn Kabun̄ in, Elder Kearon ekar bōk juon kōjeraam̧m̧an in priesthood. Eaar ba mennin ekar juon en̄jake eaiboojoj im ekar jipan̄e kāālet n̄an kobatok ilo Kabun̄ in. Eaar peptaij ilo raan eo m̧okta jān Kūriijm̧ōj ke kar 26 iiō dettan.
Elder Kearon im kōrā eo pāleen, Jennifer, ewōr emen nejier ajri ro. Ajri eo nejier jinointata ekar jako ke eaar nin̄nin̄. Iien in ekar juon iien būrōm̧ōj n̄an Elder im Sister Kearon. Bōtaab ekar jipan̄ kōkajoorļo̧k tōmak eo aer ilo jerkakpeje eo im gospel in an Jisōs Kraist. Elder Kearon ekar bōk kūr āinwōt juon Ritōl Eutiej ilo Jiljilimjuon̄oul kar 2010 eo. Ej iakwe an ro uwaan Kabun̄ in jipan̄ armej ro rej aikuj ipeļaakin laļin.
Elder Kearon ej kam̧m̧oolol kōn karōk in lo̧mo̧o̧r eo. Ejeļā ke jekdoon iien ko reppen jemaron̄ en̄jake iakwe eo an Jemedwōj Ilan̄ im Jisōs Kraist aolep iien.