“Bar Erreo,” Jera, Māe 2024, 18–19.
Bar Erreo
Ijjab kar maron̄ kāālet juon jekdo̧o̧n juon wōt raan! Emily eaar ļōmņak.
Bwebwenato in ekar bōk jikin ilo USA.
Emily eaar jutak ilo dān eo ippān Jemān im etōn̄dikdik. Liin etto an kar kōttar e raan jab eo ium̧win wiik! Ubōn eaar bam̧ kōnke ejan̄in kar tulo̧k m̧okta ium̧win dān. Ak liin eaar m̧ōņōņō in peptaij āinwōt kar Jisōs.
Liin eaar kiil mejan im ron̄jake an Jemān jar jar in peptaij eo. Innām eaar pinej botin, kiil mejan, im nukwuj bukien neen ke Jeman ej katuloke loan dān eo.
Jemān eaar m̧ōkaj in bar lelōn̄tak, im dan ekar būtbūt jān e. Emily eaar aikujin ir jān mejan, ak eaar eton̄dikdik. Eoktak an en̄jake kiiō. Juon en̄jake ekāāl, elem̧ōņōņō ekobrak e. Liin ekar kōnaan wōt en̄jake in aolep iien!
Jemān ekar lukkuun atbokwoje. Ijeļā kilen dāpij wōt en̄jake in em̧m̧an, Emily eaar ļōmņak. Men eo ij aikuj kōm̧m̧ane ej kāālet jim̧we eo im āinwōt Jisōs Kraist! Liin eaar en̄jake ke emaron̄ kōm̧m̧ane.
Ke raar tōpar m̧weo, Emily eaar m̧ōkajļo̧k jān wa eo n̄an m̧aan kōjem̧ eo. Bar ļaddik eo jatin emān an iiō, Jonah. Ke Emily ej tōparļo̧k kōjem eo ekar jino peļļo̧k, Jonah eaar rakwij likko eo an im lap an kanōk—liktak.
“Jab!” Emily elam̧ōj. Ekar kanōk tok likko eo an jān pein ļaddik eo. Innām eaar pinej iaļ eo bwe laddik eo enjab deļo̧n̄ m̧okta jān e. Ekar lukkuun illu!
Innām ekar ilibōk im jab m̧akūtkūt. Juon en̄jake enana eaar kobrak e. Eaar etal jān iaļ eo im kōtļo̧k an Jonah deļo̧n̄.
“Joļo̧k Bwōd!” eaar ikkurļo̧k n̄an e. Eaar kōm̧m̧ane juon jokāālet eo ebwōd. Rilo̧mo̧o̧r eban kar ļam̧ōj n̄an Jonah. Ekōjkan an mōkaj an bōd? En̄jake m̧ōņōņō eo an ekāāl em̧ōj an jako.
Em̧ōj aō kakure, eaar ļōmņak. Iaar maron̄ kāālet jim̧we eo ium̧win juon raan!
Raan eo tok juon ekar Jabōt. Ke Emily ej keppopo n̄an jar, eaar ļōmņak e an kar ļam̧ōje Jonah. Eļakkar nana an en̄jake.
Ilo iien kweilo̧k in kwojkwoj, bisop ekar kajjitōk bwe Emily en wōnm̧aanļo̧k. Naaj kar kapen e. M̧eļeļein ke en kar bōk mennin letok eo an Jetōb Kwojarjar. Innām eaar jijet laļļo̧k ilo juon jea. Jemān eaar door pā ko pein ioon bōran.
Emily eaar kiil mejan ke Jemān ej jinoe. Liin eaar ron̄ an ba naan ko, “Bōk Jetōb Kwojarjar.”
Emily eaar ron̄jake wōt.
“Emily, ej keememej aolep iien bwe kōn Jisōs Kraist, kwomaron̄ ukweļo̧k n̄e kwoj kōm̧m̧ani kāālet ko rebōd,” Jemān ej ba. Aolep iien kwoj bōk kwojkwoj eo, kwomaron̄ ļōmņak kōn bujen eo kwaar kōm̧m̧ane ke kwaar peptaij. Kwomaron̄ bar kallim̧ur n̄an ļoor E.”
Ke Jemān ej kam̧ōj kōjeraam̧m̧an eo, Emily eaar en̄jake mōņōņō im aenōm̧m̧an. Eaar jeļā bwe Jetōb Kwojarjar ekar jiron̄ e aolep men enaaj em̧m̧an. Ekar EM̧M̧AN wōt bwe ejjab wānōk. Kōn wōt Jisōs Kraist im Pinmuur eo An, emaron̄ bar ukweļo̧k im bōk jeorļo̧k bōd! Eaar būrom̧ōj ke eaar buron̄e Jonah, im Jemedwōj Ilan̄ ejeļā enaaj kajjieon̄ wōt.
Emily eaar ettōn̄ ke e im jemān rej etetal ļo̧k n̄an jea ko aer. Kwojkwoj enaaj wiik in laļ, im Emily eaar m̧ōņōņō.
Kōmeļeļe jān Audrey Day