“Armej ro an Alma Rej Jar ilo Būruer,” Jera, Māe 2024, 26–27.
Bwebwenato ko an Jeje ko Rekwojarjar
Armej ro an Alma Rej Jar ilo Būruer
Kōmeļeļe jān Andrew Bosley
Alma ekar juon rikanaan eo eaar katakin armej ro. Ro raar tōmak raar peptaij. Raar kōm̧m̧an juon bujen n̄an ļoor Anij.
Juon em̧m̧aan enana etan in Amulon eaar erom̧ juon ritōl ioon armej ro an Alma. Ekar lukkuun nana n̄an er. Ekar kōm̧m̧an bwe ren ineek men ko reddo.
Alma im armej ro an raar jar kōn jipan̄. Bōtaab Amulon ekar kōm̧m̧ane juon kakien bwe jabdewōt eo ej jar naaj m̧ane.
Ekar bōjrak an armej ro jar ilo ainikien eļļaaj. Bōtaab raar jar wōt ilo būruer im ļōmņak ko aer. Anij eaar uaake jar ko aer!
Anij ejeļā ke raar kōm̧m̧ane juon bujen Ippān. E ekar kallim̧ur n̄an kōkajoorļo̧k er. E ekar kaenōm̧m̧an er im kōmerāik eddo ko aer. Tokālik, Anij ekar bar jipan̄ er rōļo̧k jān Amulon im em̧m̧akūt ilo kōjparok.