Makalingaw nga Buhaton

Maabilidad nga Paghimo [Craft] sa Plano sa Kalipay

Mga paghulagway pinaagi ni Marina Pessarrodona

Himoa kini nga craft aron matabangan ka nga itudlo ang plano sa Langitnong Amahan sa kalipay. Mabasa nimo ang mahitungod niini nga plano diha sa Alma 18:36, 39 ug Alma 22:8–16.

1. Guntinga ang mga piraso sa ubos subay sa tuldok-tuldok nga mga linya. Lungagi ang matag puti nga lingin.

2. Paghigot og lambo lahos sa mga lungag aron makonektar ang mga piraso sa mga pulong ug ang kauban niini nga litrato. Paghigot og lain nga lambo diha sa lungag sa ibabaw.

3. Ihigot ang tanan nga lambo ngadto sa usa ka tukog. Dayon ibitay ang imong craft.

Ang Paglalang. Ang Dios milalang sa langit ug sa yuta ug sa tanan nga anaa niini.

Ang Pagkapukan. Si Adan ug Eva mipili sa pagkaon gikan sa kahoy sa kahibalo sa maayo ug sa daotan. Kini ang hinungdan aron sila maadunay pamilya.

Kinabuhi dinhi sa Yuta. Kitang tanan natawo dinhi sa yuta aron makakat-on ug molambo.

Ang Pag-ula ni Jesukristo. Si Jesukristo mianhi sa yuta. Isip kabahin sa Iyang Pag-ula, Siya mibati sa tanan natong kasakit ug mibayad alang sa atong mga sala. Siya namatay ug nabuhi pag-usab. Tungod Kaniya, kita makahinulsol ug makapuyo pag-usab kauban sa Langitnong Amahan human kita mamatay.