Mag-uban sa Pagsunod ni Jesus

Mga batang Primary nga nagdala sa binuhat nga art

Ang mga bata sa Pedro Domingo Murillo Province, Bolivia, nakat-on mahitungod sa kamahinungdanon sa pagpangandam alang sa templo. Naghimo sila og mga drowing ug mga sumbanan sa unsay ilang gituohan nga mao ang hulagway sa umaabot nga templo sa La Paz Bolivia.

Batang babaye nga adunay sumbanan sa templo nga hinimo gikan sa plastik nga mga bloke

Lily M., edad 10, Arizona, USA

Batang lalaki nga adunay hinimo nga eksena ni Moroni nga naglubong sa mga palid

“Si Moroni Naglubong sa Bulawan nga mga Palid,” Arthur S., edad 6, Alaska, USA

Drowing sa bata sa usa ka templo

“Ang Balay sa Ginoo,” Audrey B., edad 9, Alberta, Canada

Drowing sa bata sa usa ka tawo nga nagsul-ob sa taming sa Dios

“Ang Taming sa Dios,” Ethan M., edad 10, Virginia, USA

Eksena sa bunyag nga hinimo sa plastik nga beads

“Bunyag,” Quinn S., edad 8, Colorado, USA

Diorama sa tanaman sa Eden

“Ang Tanaman sa Eden,” Abigail B., edad 10, Kansas, USA

Litrato nga nagpakita sa nawong sa batang babaye

Akong gibati ang Espiritu Santo sa dihang naminaw ko sa pakigpulong didto sa simbahan.

Serfina K., edad 9, Rehiyon sa Mwanza, Tanzania

Batang babaye nga nagkupot og cardboard nga karomata

Ang akong mga katigulangan mipanaw ngadto sa Utah kauban sa panon nga nagkariton. Naghimo ko og kariton aron sa paghinumdom sa maayong mga butang nga ilang gibuhat.

Maddie J., edad 9, Utah, USA

Litrato nga nagpakita sa nawong sa batang lalaki

Daghan kami og libro sa among panimalay, apan ang libro nga kasagaran namong gibasa mao ang Basahon ni Mormon. Akong nahibaloan gikan sa akong papa nga sa matag higayon nga mobasa ka sa Basahon ni Mormon, makat-on ka og bag-o nga mga butang.

Louie C., edad 10, Taoyuan District, Taiwan

Litrato nga nagpakita sa nawong sa batang babaye

Dili nako makit-an ang akong sapatos ug nag-ampo ko alang sa panabang. Nagtuo ko nga ang tubag moabot ra dayon, apan wala. Nadismaya ko, mao nga akong gipunit ang usa ka t-shirt sa salog ug gilabay kini. Ilalom sa akong t-shirt mao ang akong sapatos! Ang akong pag-ampo wala matubag sa paagi nga akong gilaoman, apan nakahibalo ko nga ang akong pag-ampo nadungog.

Cosette K., edad 10, Queensland, Australia

Litrato nga nagpakita sa nawong sa batang lalaki

Nagtanom ko og bulak alang sa usa ka sister sa akong kasilinganan ug nagpakaon sa iyang iring. Nalipay ko nga makaserbisyo sama sa gibuhat ni Jesus.

Matias V., edad 8, Santiago Metropolitan Region, Chile

Ipadala ang inyong art sa usa ka paborito nga istorya sa kasulatan!

Tan-awa sa luyo nga hapin aron makita kon unsaon.