“Si Aaron Nagtudlo sa Hari,” Higala, Hulyo 2024, 26–27.
Mga Istorya sa Kasulatan
Si Aaron Nagtudlo sa Hari
Mga Paghulagway pinaagi ni Andrew Bosley
Si Aaron usa sa mga anak nga lalaki ni Mosiah. Siya usa ka misyonaryo. Gitudloan niya ang hari sa mga Lamanite sa tibuok kayutaan.
Si Aaron nangutana sa hari kon siya mituo ba sa Dios. Ang hari misulti nga siya motuo kon si Aaron mosulti kaniya nga ang Dios tinuod. Gihangyo niya si Aaron nga sultihan siya og dugang pa mahitungod sa Dios.
Si Aaron nagbasa sa mga kasulatan ngadto sa hari. Siya mitudlo mahitungod sa paglalang sa yuta. Siya mitudlo mahitungod sa plano sa Dios. Siya misulti sa hari mahitungod ni Jesukristo.
Human niana, ang hari nag-ampo. Nangutana siya sa Dios kon ang gisulti ni Aaron tinuod ba. Ang hari nakadawat sa tubag nga kini tinuod!
Ang hari mituo sa unsay gitudlo ni Aaron. Ang tanan nga anaa sa iyang panimalay mituo usab. Sila nabunyagan ug mipili sa pagsunod kang Jesukristo.