“Pagpakigbahin sa Unsay Imong Gituohan,” Higala, Hulyo 2024, 2–3.
Gikan sa Unang Kapangulohan
Pagpakigbahin sa Unsay Imong Gituohan
Gikuha gikan sa “Usa ka Tinun-an ug Usa ka Anak,” Liahona, Mayo 2003, 29–32.
Ang akong amahan usa ka siyentipiko. Kausa nagbasa ko og usa ka pakigpulong nga iyang gihatag ngadto sa usa ka dako nga grupo. Diha niini, naghisgot siya kabahin sa Paglalang ug sa usa ka Tiglalang samtang nag-istorya siya mahitungod sa siyensiya. Nakahibalo ko nga pipila diha sa grupo ang parehas niya og gituohan. Mao nga misulti ko niya uban sa kahingangha, “Pa, mipakigbahin ka sa imong pagpamatuod.”
Mitan-aw siya nako nga adunay kakurat sa iyang dagway ug miingon, “Gibuhat ba nako?” Wala lang gani siya makabantay nga siya nahimong maisogon. Iya lang nga gisulti kon unsa ang nasayran niya nga tinuod.
Kitang tanan nga nabunyagan misaad nga mopaambit sa ebanghelyo. Makaampo kita uban sa hugot nga pagtuo nga mobati sa gugma sa Manluluwas alang kanato ug alang sa tanan nga atong mahimamat. Ikaw mahimong mahinamon mahitungod sa Simbahan sa Ginoo ug sa Iyang buluhaton, ug kini makita. Ang pag-istorya kon unsa ang imong gituohan mahimo nang kabahin sa imong kaugalingon.
Yano nga mga Paagi sa Pagpaambit
Mahimo nimong ipaambit ang ebanghelyo sa daghang paagi! Isulat kon unsa ang imong ikasulti ngadto sa matag tawo aron mapaambit ang unsay imong gituohan. Ang nauna kay gihimo na para kanimo.
Kumusta ang imong kataposan sa semana?
Maayo man! Misimba ko.
Daghang tawo ang adunay lahi nga mga relihiyosong gituohan. Unsa man sab ang imong gituohan?
Ang akong papi nasakit. Mahimo ba nga mag-ampo ka alang niya?
Mga paghulagway pinaagi ni Alyssa Tallent